ປະທານາທິບໍດີຣັດເຊຍ ເດີນທາງເຂົ້າຮ່ວມກອງປະຊຸມສຸດຍອດອາຊີ – ເອີລົບ ຫລື ອາເຊັມ ເພື່ອພົບຜູ້ນຳອູແກຣນ
ກຽມຫາລືເຖິງວິກິດການໃນພາກຕາເວັນອອກຂອງອູແກຣນ.
ສຳນັກຂ່າວຕ່າງປະເທດລາຍງານ ໃນວັນທີ 17 ຕຸລານີ້ວ່າ ທ່ານ ວະລາດີເມຍ ປູຕິນ ປະທານາທິບໍດີຣັດເຊຍ ໄດ້ເດີນ
ທາງໄປເຂົ້າຮ່ວມກອງປະຊຸມສຸດຍອດອາເຊັມ ທີ່ປະເທດອີຕາລີ ໂດຍມີແຜນທີ່ຈະເຈລະຈາກັບ ທ່ານ ເປໂຕຣ ໂປ
ໂຣເຊນໂກ ປະທານາທິບໍດີອູແກຣນ ເພື່ອຮ່ວມຫາລືແກ້ໄຂວິກິດການຄວາມຮຸນແຮງໃນພາກຕາເວັນອອກຂອງ
ອູແກຣນ ເຊິ່ງເປັນບັນຫາໃຫຍ່ຂອງສະຫະພາບເອີລົບ.
ທັງນີ້ ຜູ້ນຳຂອງອັງກິດ, ເຢຍລະມັນ, ຝຣັ່ງ ແລະ ອີຕາລີ ມີຄວາມເຫັນໃນທາງດຽວກັນວ່າ ຣັດເຊຍຈຳເປັນຕ້ອງ
ເລັ່ງແກ້ໄຂບັນຫາເພີ່ມຂຶ້ນ ເພື່ອຢຸຕິຄວາມຮຸນແຮງທີ່ຍັງຄົງມີຢູ່ ຕາມທີ່ຊາດເອີລົບເຂົ້າໃຈວ່າຣັດເຊຍເປັນຜູ້ຢູ່
ເບື້ອງຫລັງ ລວມທັງຍັງຈັດສົ່ງອຸປະກອນສົງຄາມໃຫ້ແກ່ກຸ່ມແບ່ງແຍກດິນແດນໃນອູແກຣນອີກດ້ວຍ, ແນວໃດ
ກໍຕາມ ທາງຣັດເຊຍແມ່ນໄດ້ປະຕິເສດມາໂດຍຕະຫລອດ ແລະ ຕອບໂຕ້ວ່າເປັນການໃສ່ຮ້າຍປ້າຍສີໂດຍທີ່ບໍ່ມີ
ມູນຄວາມຈິງ.