spot_img
Homeຂ່າວຕ່າງປະເທດອາເມລິກາກຽມສົ່ງກຳລັງທະຫານເຂົ້າຄວບຄຸມກຸ່ມຜູ້ປະທ້ວງ

ອາເມລິກາກຽມສົ່ງກຳລັງທະຫານເຂົ້າຄວບຄຸມກຸ່ມຜູ້ປະທ້ວງ

Published on

ກາຍປະເດັນໃຫຍ່ ແລະ ຮ້ອນແຮງທີ່ສຸດຂອງອາເມລິກາໃນເວລານີ້ ສຳລັບການປະທ້ວງຫຼັງຈາກທີ່ ທ້າວ ຈໍ ຟລອຍ ຊາຍຜິວສີທີ່ຖືກຕຳຫຼວດທຳຮ້າຍຮ່າງກາຍດ້ວຍຄວາມຮຸນແຮງຈົນເຮັດໃຫ້ລາວເສຍຊີວິດ ເຊິ່ງມັນນຳມາສູ່ການປະທ້ວງ ແລະ ກໍ່ເຫດຈາລະຈົນທົ່ວອາເມລິກາ ເພື່ອຮຽກຮ້ອງໃຫ້ມີການຈັບກຸມຕົວຕຳຫຼວດທີ່ກ່ຽວຂ້ອງ. ປັດຈຸບັນ, ທາງຕົ້ນສັງກັດໄດ້ປົດເຈົ້າໜ້າທີ່ຕຳຫຼວດອອກຈາກໜ້າທີ່ແລ້ວ 4 ຄົນ ກ່ອນທີ່ຈະມີການຕັ້ງຂໍ້ຫາຂ້າຄົນຕາຍກັບທ້າວ ເດເຣກ ໂຊວິນ ອະດີດຕຳຫຼວດທີ່ເປັນຜູ້ກໍ່ເຫດ.

ເວັບໄຊຂ່າວ bangkokbiznews ລາຍງານ ສະຖານະການປະທ້ວງໃນອາເມລິກາພວມເຄັ່ງຕຶງ. ຫຼ້າສຸດ, ທ່ານ ໂດນັລ ທຣໍ້າ ກ່າວຈະສົ່ງທະຫານເຂົ້າຈັດການກຸ່ມຜູ້ປະທ້ວງການເສຍຊີວິດຂອງ “ຈໍ ຟລອຍ” ທີ່ກາຍເປັນການຈາລະຈົນທຳຮ້າຍເຄື່ອງຂອງ ແລະ ປຸ້ນຮ້ານຄ້າ ທີ່ລັດນິວຢອກປະກາດພາວະສຸກເສີນຫຼັງເກີດເຫດການປະທ້ວງ.

ປະທານາທິບໍດີ ໂດນັລ ທຣໍ້າ ຖະແຫຼງການທີ່ທຳນຽບຂາວເມື່ອວັນທີ 1 ມິຖຸນາ ທີ່ຜ່ານມາວ່າ ຫາກລັດ ແລະ ເມືອງຕ່າງໆ ບໍ່ສາມາດຄວບຄຸມການປະທ້ວງທີ່ກຳລັງບານປາຍໄດ້ ກໍ່ຈະສັ່ງໃຫ້ກອງກຳລັງທະຫານອາເມລິກາເຂົ້າຈັດການທັນທີ.

ຜູ້ນຳອາເມລິກາກ່າວຢໍ້າວ່າ ເຈົ້າເມືອງ ແລະ ຜູ້ວ່າການລັດຕ້ອງເຮັດໜ້າທີ່ຢ່າງໜັກຈົນກວ່າເຫດການນີ້ສະຫງົບລົງ ຫາກເມືອງ ຫຼື ລັດໃດປະຕິເສດທີ່ຈະດຳເນີນມາດຕະການທີ່ຈຳເປັນຕໍ່ການປົກປ້ອງຊີວິດ ແລະ ຊັບສິນຂອງປະຊາຊົນ ອາດຈະຕ້ອງມີການລະດົມກອງທັບອາເມລິກາເຂົ້າປະຈຳການໃນພື້ນທີ່ ແລະ ແກ້ບັນຫານີ້ຢ່າງຮີບດ່ວນ.

ໃນ 15 ລັດ ແລະ ນະຄອນວໍຊິງຕັນຂອງສະຫະລັດອາເມລິກາ ສັ່ງໜ່ວຍກອງກຳລັງພິທັກຊາດເຂົ້າປະຈຳການ ເພື່ອຄວບຄຸມສະຖານະການປະທ້ວງທີ່ມີຕົ້ນຕໍຈາກການເສຍຊີວິດດ້ວຍນໍ້າມືຂອງຊາຍຜິວສີຊື່ ຈໍ ຟລອຍ.

ໃນຄຳຖະແຫຼງການຮ່ວມຂອງເຈົ້າເມືອງ ແລະ ຜູ້ວ່າການລັດນິວຢອກລະບຸວ່າ ຈະມີການເພີ່ມກຳລັງຕຳຫຼວດເຂົາປະຈຳການໃນເມືອງແຫ່ງນີ້ເປັນ 2 ເທົ່າ ເພື່ອຊ່ວຍປ້ອງກັນຄວາມຮຸນແຮງ ແລະ ຄວາມເສຍຫາຍທາງຊັບສິນ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...