ເວັບໄຊຂ່າວ laotiantimes.com ລາຍງານໃຫ້ຮູ້ວ່າ ລາວ ຢູ່ອັນດັບທີ 52 ຂອງໂລກ ຈາກ 100 ອັນດັບທົ່ວໂລກ ກັບຄວາມໄວໃນການດາວໂຫລດຂໍ້ມູນ ຜ່ານລະບົບ 4G ໂດຍມີຄວາມໄວໃນການດາວໂຫລດແມ່ນ 17.1 Mbps ແລະ ເປັນອັນດັບ 3 ຂອງຊາດອາຊຽນ ຮອງຈາກ ສິງກະໂປ ແລະ ຫວຽດນາມ.

ອີງຕາມບົດລາຍງານ, ປະເທດvສິງກະໂປ ມິອິນເຕີເນັດ 4G ໄວທີ່ສຸດໃນການດາວໂຫລດຂໍ້ມູນມືຖືໃນອາຊີຕາເວັນອອກສຽງໃຕ້ ແລະ ຢູ່ໃນອັນດັບທີ 6 ຂອງໂລກໃນລະດັບ 47,5 Mbps.

ປະເທດ ຫວຽດນາມ ໄດ້ອັນດັບສອງດ້ວຍຄວາມໄວ 20.6 Mbps ເປັນອັນດັບທີ 41 ທົ່ວໂລກ. ສ່ວນປະເທດອາຊຽນທີ່ຍັງເຫຼືອ, ປະເທດ ບຣູໄນ ຕິດອັນດັບທີ 55 ຂອງໂລກດ້ວຍຄວາມໄວ 16,4 Mbps, ມຽນມາທີ 56 (16,4 Mbps); ມາເລເຊຍ 73rd (11 Mbps); ອິນໂດເນເຊຍທີ 80 (9.9 Mbps); ໄທ ອັນດັບທີ 81 (9.2 Mbps); ຟີລິບປິນ ອັນດັບທີ 83 (8.5 Mbps) ແລະ ກຳປູເຈຍຢູ່ທີ່ອັນດັບ 87 (8 Mbps).

ຮຽບຮຽງຂ່າວ: ພຸດສະດີ