spot_img
Homeຂ່າວທ້ອງຖິ່ນເງື່ອນໄຂຕ່າງໆທີ່ຕ້ອງປະຕິບັດສຳລັບຜູ້ທີ່ຕ້ອງການເດີນທາງໄປໄທໃນຊ່ວງນີ້

ເງື່ອນໄຂຕ່າງໆທີ່ຕ້ອງປະຕິບັດສຳລັບຜູ້ທີ່ຕ້ອງການເດີນທາງໄປໄທໃນຊ່ວງນີ້

Published on

ອີງຕາມການປະກາດຂອງສະຖານທູດໄທປະຈຳນະຄອນຫຼວງວຽງຈັນ ໃນວັນທີ 13 ພຶດສະພາ 2020 ກ່ຽວກັບ ມາດຕະການຊົ່ວຄາວໃນການງົດ ຫຼື ລໍຖ້າການເຮັດໜັງສືຜ່ານແດນໃນຊ່ວງສະຖານະການການລະບາດຂອງເຊື້ອພະຍາດ ໂຄວິດ-19.

ສືບເນື່ອງມາຈາກການລະບາດຂອງໂລກໄວຣັດໂຄວິດ-19 ໄດ້ແພ່ລະບາດໄປທົ່ວໂລກ ແລະ ເປັນເຫດໃຫ້ຖ້ຽວບິນຕ່າງໆຢຸດໃຫ້ບໍລິການ ສົ່ງຜົນກະທົບຕໍ່ການຂົນສົ່ງໜັງສືຜ່ານແດນ ຈາກປະເທດໄທມາ ສປປ ລາວ. ດ້ວຍເຫດນີ້ສະຖານທູດໄທປະຈຳນະຄອນຫຼວງວຽງຈັນ ຈຶ່ງຂໍແຈ້ງມາ ໃຫ້ທຸກທ່ານຊາບດັ່ງນີ້:

1 ຫາກບໍ່ເປັນກໍລະນີເລັ່ງດ່ວນ ຫຼື ມີຄວາມຈຳເປັນຢ່າງຍິ່ງ ຂໍໃຫ້ງົດ ຫຼື ເລື່ອນການຂໍເຮັດໜັງສືຜ່ານແດນອອກໄປກ່ອນ.

2 ກໍລະນີຜູ້ຮ້ອງຂໍມີຄວາມຈຳເປັນຢ່າງຍິ່ງທີ່ຈະຕ້ອງເຮັດໜັງສືຜ່ານແດນ ຂໍໃຫ້ນັດໝາຍລ່ວງໜ້າ ແລະ ແຈ້ງບ່ອນຢູ່ເພື່ອໃຫ້ກະຊວງການຕ່າງປະເທດສົ່ງໜັງສືເດີນທາງໃຫ້ໂດຍກົງ ໂດຍຜູ້ຮ້ອງຂໍຕ້ອງເປັນຜູ້ຮັບຜິດຊອບຄ່າໃຊ້ຈ່າຍໃນການຂົນສົ່ງ (ເພີ່ມຈາກຄ່າທຳນຽມໃນການຂໍໜັງສືເດີນທາງ) ຈຳນວນ 260 ບາດ ຕໍ່ເຫຼັ້ມ.

ທັງນີ້, ມາດຕະການຂ້າງເທິງເປັນພຽງມາດຕະການຊົ່ວຄາວໃນຊ່ວງສະຖານການລະບາດຂອງໂລກໄວຣັດໂຄວິດ-19 ເທົ່ານັ້ນ ຈົນກວ່າຈະມີແຈ້ງການປ່ຽນແປງ ຈະມາປະກາດໃຫ້ຊາບອີກເທື່ອໜຶ່ງ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...