ຕາມການໃຫ້ສຳພາດຂອງ ທ່ານ ພູວຽງ ໂພທິສານ ຮັກສາການຫົວໜ້າອຳນວຍການຫໍພິພິທະພັນນະຄອນຫຼວງ

ວຽງຈັນ ຕໍ່ນັກຂ່າວພວກເຮົາໃນວັນທີ 15 ຕຸລານີ້ວ່າ: ນັບແຕ່ເດືອນກໍລະກົດມ່ານີ້ຈຳນວນນັກທ່ອງທ່ຽວ ເຂົ້າຊົມ

ບູຮານສະຖານໃນ ນະຄອນຫຼວງວຽງຈັນຄື ພະທາດຫຼວງ, ຫໍພະແກ້ວ, ວັດສີສະເກດ ມີນຳນວນຫຼຸດລົງຫຼາຍ, ຊຶ່ງໃນ

3 ເດືອນຜ່ານມາມີນັກທ່ອງທ່ຽວເຂົ້າຊົມພຽງ 82 ພັນກວ່າຄົນ, ໃນນີ້ເປັນນັກທ່ອງທ່ຽວຕ່າງປະເທດ 77 ພັນກວ່າ

ຄົນ, ນັກທ່ອງທ່ຽວພາຍໃນ 5 ພັນ ກວ່າຄົນ, ສ້າງລາຍຮັບໄດ້ 400 ກວ່າ ລ້ານກີບ, ໃນນັ້ນສະເພາະພະທາດຫຼວງ

ຫຼາຍກວ່າ 35 ພັນກວ່າຄົນ, ສ້າງລາຍຮັບໄດ້ປະມານ 170 ລ້ານກີບ, ຫໍພະແກ້ວມີ 32 ພັນກວ່າຄົນ, ສ້າງລາຍຮັບ

ໄດ້ປະມານ 142 ລ້ານກີບ ແລະ ວັດສີສະເກດມີນັກທ່ອງທ່ຽວເຂົ້າຊົມພຽງ 15 ພັນຄົນ, ສ້າງລາຍຮັບໄດ້ປະມານ 93

ລ້ານກີບ, ທຽບໃສ່ໄລຍະດຽວກັນຂອງປີຜ່ານມາຖືວ່າຫຼຸດລົງຫຼາຍ, ນີ້ກໍເນື່ອງຈາກເປັນໄລຍະລະດູຝົນເຮັດໃຫ້ການ

ເດີນທາງໄປມາຂອງນັກທ່ອງທ່ຽວພົບຄວາມຫຍູ້ງຍາກ ແລະ ສະພາບເສດຖະກິດຂອງຫລາຍປະເທດກໍບໍ່ຄ່ອຍເອື້ອ

ອຳນວຍ ແຕ່ເຊື່ອວ່ານັບແຕ່ທ້າຍເດືອນຕຸລານີ້ເປັນຕົ້ນໄປ ຈຳນວນນັກທ່ອງທ່ຽວຈະກັບມາຄຶກຄື້ນອີກເທື່ອໜຶ່ງ.

ແຫລ່ງຂ່າວ: ລາວພັດທະນາ