spot_img
Homeຂ່າວຕ່າງປະເທດຈີນຄອງອັນດັບ 1 ປະເທດທີ່ມີມາດຕະການຮັບມືໂຄວິດ-19 ໄດ້ດີທີ່ສຸດໃນໂລກ

ຈີນຄອງອັນດັບ 1 ປະເທດທີ່ມີມາດຕະການຮັບມືໂຄວິດ-19 ໄດ້ດີທີ່ສຸດໃນໂລກ

Published on

ສຳນັກຂ່າວຊິນຫົວລາຍງານວ່າ ຜົນການສຳຫຼວດທົ່ວໂລກທີ່ມີການເຜີຍແຜ່ໃນວັນທີ 6 ພຶດສະພາ ທີ່ຜ່ານມາ ພົບວ່າປະຊາຊົນຈີນເພິ່ງພໍໃຈຕໍ່ມາດຕະການຮັບມືວິກິດການລະບາດຂອງເຊື້ອໄວຣັດໂຄໂຣນາສາຍພັນໃໝ່ 2019 ຂອງລັດຖະບານຈີນທີ່ສຸດ ໃນຂະນະທີ່ປະຊາຊົນໃນກຸ່ມປະເທດຕາເວັນຕົກກັບຮູ້ສຶກວ່າລັດຖະບານຂອງຕົນເຮັດຜົນງານໄດ້ບໍ່ດີເທົ່າທີ່ຄວນ.

ການສຳຫຼວດຮ່ວມກັນໂດຍ ແບລັກບັອກ ຣີເສີດ (Blackbox Research) ບໍລິສັດວິໄຈທາງສັງຄົມຊັ້ນນຳຂອງສິງກະໂປ ແລະ ໂທລູນາ (Toluna) ບໍລິສັດເທັກໂນໂລຢີ ໄດ້ສຳຫຼວດຄວາມຮູ້ສຶກຂອງປະຊາຊົນຈາກ 23 ປະເທດ ແລະ ພູມມິພາກ ທີ່ມີຕໍ່ຄວາມພະຍາມຍາມໃນການຈັດການວິກິດການລະບາດຂອງໂຄວິດ-19 ຂອງປະເທດຕົນເອງ ໂດຍອ້າງອີງໃສ່ຕົວຊີວິດວັດ 4 ຫົວຂໍ້ຄື: ພາວະຜູ້ນຳທາງການເມືອງລະດັບຊາດ, ພາວະຜູ້ນຳລະດັບອົງກອນ, ປະຊາຄົມ ແລະ ສື່ມວນຊົນ.

ຜົນສຳຫຼວດໄດ້ພົບວ່າ ປະເທດຈີນຄອງອັນດັບໜຶ່ງດ້ວຍຄະແນນ 85 ຄະແນນ, ຫວຽດນາມໄດ້ອັນດັບ 2 ດ້ວຍຄະແນນ 77 ຄະແນນ ຕາມມາດ້ວຍສະຫະລັດອາຫຼັບເອມິເຣດ ແລະ ອິນເດຍ ໄດ້ 59 ຄະແນນ, ໃນຂະນະທີ່ນິວຊີແລນໄດ້ 56 ຄະແນນ ເຊິ່ງເປັນປະເທດທາງຝັ່ງຕະເວັນຕົກປະເທດດຽວທີ່ມີຄະແນນດັດຊະນີສູງກວ່າຄ່າສະເລ່ຍທົ່ວໂລກ ເຊິ່ງຢູ່ທີ່ 45 ຄະແນນ ນັ້ນໝາຍຄວາມວ່າປະຊາຊົນສ່ວນໃຫຍ່ໃນປະເທດຕະເວັນຕົກບໍ່ມີຄວາມເພິ່ງພໍໃຈໃນການດຳເນີນງານຂອງປະເທດຕົນ.

ສຳລັບປະເທດອາເມລິກາ, ອົດສະຕາລີ, ອິຕາລີ, ເຢຍລະມັນ, ອັງກິດ ແລະ ຝຣັ່ງ ເປັນກຸ່ມປະເທດທີ່ມີຄະແນນຕໍ່າກວ່າຄ່າສະເລ່ຍທົ່ວໂລກ ເຊິ່ງປະເທດຝຣັ່ງມີຄະແນນຕໍ່າທີ່ສຸດໃນພູມມິພາກ ແລະ ຕໍ່າທີ່ສຸດເປັນອັນດັບສອງຂອງໂລກດ້ວຍຄະແນນດັດຊະນີ 26 ຄະແນນ ໃນຂະນະທີ່ຍີ່ປຸ່ນຄອງອັນດັບສຸດທ້າຍໄດ້ພຽງ 16 ຄະແນນ.

 

ຮຽບຮຽງຂ່າວ: ພຸດສະດີ

 

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...