spot_img
Homeຂ່າວທ້ອງຖິ່ນໄຟຟ້າ, ນໍ້າປາປາ ແລະ ຂີ້ເຫຍື້ອ ສະເໜີນະໂຍບາຍຕໍ່ລັດປັບຫຼຸດລາຄາໃຫ້ຜູ້ຊົມໃຊ້ເປັນເວລາ 3 ເດືອນ

ໄຟຟ້າ, ນໍ້າປາປາ ແລະ ຂີ້ເຫຍື້ອ ສະເໜີນະໂຍບາຍຕໍ່ລັດປັບຫຼຸດລາຄາໃຫ້ຜູ້ຊົມໃຊ້ເປັນເວລາ 3 ເດືອນ

Published on

ໜັງສືພິມວຽງຈັນທາມ ລາຍງານເມື່ອວັນທີ 21 ເມສາ ວ່າ ລັດວິສາຫະກິດນໍ້າປະປາ ໄດ້ສະເໜີນະໂຍບາຍຕໍ່ກະຊວງ ໂຍທາທິການ ແລະ ຂົນສົ່ງ ເພື່ອພິຈາລະນາຫຼຸດລາຄາໃຫ້ຜູ້ຊົມໃຊ້ປະເພດຄົວເຮືອນ 5% ເພື່ອແກ້ໄຂຜົນກະທົບຈາກການລະບາດຂອງພະຍາດໂຄວິດ-19.

ນະໂຍບາຍດັ່ງກ່າວແມ່ນສະເໜີ ໃນໂອກາດກອງປະຊຸມຂອງຄະນະສະເພາະກິດ ກ່ຽວກັບການແກ້ໄຂຜົນກະທົບ ແລະ ຜັນຂະຫຍາຍນະໂຍບາຍ, ມາດຕະການເພື່ອຫຼຸດຜ່ອນຜົນກະທົບຈາກພະຍາດໂຄວິດ-19 ໃນວັນທີ 20 ເມສາ 2020 ທີ່ ກະຊວງ ແຜນການ ແລະ ການລົງທຶນ ກ່ອນທີ່ຈະນໍາສະເໜີຢູ່ທີ່ກອງປະຊຸມປະຈໍາເດືອນຂອງລັດຖະບານໃນວັນພະຫັດທີ່ຈະເຖິງນີ້.

ນອກຈາກນີ້ ລັດວິສາຫະກິດນໍ້າປະປາ ຍັງໄດ້ສະເໜີກະຊວງການເງິນ ບໍ່ໃຫ້ເກັບຄ່າອາກອນມູນຄ່າເພີ່ມ 10% ໃນໄລຍະ 3 ເດືອນ (ພຶດສະພາ, ມີຖຸນາ ແລະ ກໍລະກົດ 2020) ສໍາລັບຜູ້ຊົມໃຊ້ປະເພດຄົວເຮືອນ ແລະ ສະເໜີເພີ່ມໄລຍະການຊໍາລະຄ່ານໍ້າປະປາແຕ່ລະເດືອນ ຈາກ 2 ເດືອນມາເປັນ 3 ເດືອນ. ສໍາລັບພາກທຸລະກິດ ແມ່ນອະນຸຍາດໃຫ້ເພີ່ມໄລຍະການຊໍາລະອອກຈາກ 1 ເດືອນ ມາເປັນ 2 ເດືອນ ແລະ ສະເໜີຍົກເວັ້ນການເກັບອາກອນມູນຄ່າເພີ່ມ 10%.

ສໍາລັບຄ່າໄຟຟ້າ ແມ່ນຈະໃຫ້ປະຕິບັດໂຄງສ້າງໃໝ່ ທີ່ຈະເລີ່ມປະຕິບັດໃນເດືອນພຶດສະພາ 2020 ນີ້ເປັນຕົ້ນໄປ ໃນໂຄງສ້າງລາຄາໃໝ່ນີ້ຈະໄດ້ຫຼຸດອັດຕາຄິດໄລ່ຈາກ 6 ຂັ້ນມາເປັນ 2 ຂັ້ນ ເຮັດໃຫ້ຜູ້ຊົມໃຊ້ໃນແຕ່ລະປະເພດໄດ້ຮັບສ່ວນຫຼຸດ 2-35%, ພ້ອມທັງເລື່ອນເວລາຊໍາລະຄ່າໄຟຟ້າອອກຈາກ 7-15 ວັນມາເປັນ 7-45 ວັນ.

ສ່ວນຄ່າບໍລິການຄ່າເກັບຂີ້ເຫຍື້ອ ຂະແໜງການທີ່ກ່ຽວຂ້ອງກໍາລັງຄົ້ນຄວ້າພິຈາລະນາ ຫຼຸດຄ່າບໍລິການ ແລະ ຢຸດເກັບຄ່າບໍລິການຈອດລົດ ເພື່ອໃຫ້ໄດ້ຈັດຕັ້ງປະຕິບັດໂດຍໄວ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...