spot_img
Homeຂ່າວຕ່າງປະເທດສິລະປິນນັກຮ້ອງລະດັບໂລກນຳທັບຈັດຄອນເສີດການກຸສົນອອນລາຍ ຂອບໃຈຄົນແນວໜ້າສູ້ໂຄວິດ-19

ສິລະປິນນັກຮ້ອງລະດັບໂລກນຳທັບຈັດຄອນເສີດການກຸສົນອອນລາຍ ຂອບໃຈຄົນແນວໜ້າສູ້ໂຄວິດ-19

Published on

ສຳນັກຂ່າວ BBC ລາຍງານວ່າ ໃນວັນອາທິດທີ 19 ເມສາທີ່ຜ່ານມາ ເຫຼົ່າສິລະປິນຊື່ດັງລະດັບໂລກ ຮ່ວມກັບອົງການອະນາໄມໂລກ ແລະ ອົງການ Global Citizen ຮ່ວມພະລັງຈັດຄອນເສີດການກຸສົນອອນລາຍ One World: Together At Home ເປັນການຂອບໃຈເຈົ້າໜ້າທີ່ສາທາລະນະສຸກທົ່ວໂລກ.

Bllie Eilish ກຳລັງທຳການສະແດງ

Lady Gaga, Sir Paul McCartney ແລະ Billie Eilish ເປັນສິລະປິນສ່ວນໜຶ່ງຈາກສິລະປິນກວ່າ 100 ຄົນ ທີ່ຮ່ວມສະແດງຄອນເສີດຈາກທີ່ພັກອາໄສໃນຊ່ວງວິກິດໂຄວິດ-19. ວົງດົນຕີທີ່ມີສະມາຊິກຫຼາຍຄົນກໍ່ມາຮ່ວມດ້ວຍ, ສະມາຊິກວົງ Rolling Stones 4 ຄົນ ລວມໂຕກັນຫຼິ້ນດົນຕີຈາກຫ້ອງນັ່ງຫຼິ້ນຂອງຕົວເອງແລ້ວຖ່າຍທອດສົດຜ່ານຈໍສະແດງຜົນ 4 ຊ່ອງພ້ອມກັນ.

ສະມາຊິກວົງ Rolling Stones 4 ຄົນຮວມໂຕກັນຫຼິ້ນດົນຕີຈາກຫ້ອງນັ່ງຫຼິ້ນຂອງຕົວເອງແລ້ວຖ່າຍທອດສົດຜ່ານຈໍສະແດງຜົນ 4 ຊ່ອງພ້ອມກັນ

ການສະແດງທັງໝົດຍາວ 8 ຊົ່ວໂມງ ໂດຍມີການຖ່າຍທອດເລື່ອງລາວຈາກຊີວິດຈິງຂອງຜູ້ທີ່ຕ້ອງເຮັດວຽກຢູ່ແນວໜ້າໃນຊ່ວງວິກິດໄວຣັສໂຄວິດ-19.

Lady Gaga ທີ່ເປັນເຈົ້າຂອງແນວຄິດນີ້ ບອກວ່າການສະແດງຄັ້ງນີ້ເປັນຈົດໝາຍຮັກເຖິງໂລກ, ເພິ່ນກໍ່ໄດ້ຂໍອຸທິດຄອນເສີດນີ້ໃຫ້ກັບຜູ້ທີ່ເປັນແນວຮ່ວມ ແລະ ເຈົ້າໜ້າທີ່ທາງການແພດທຸກຄົນທີ່ເສຍສະລະຕໍ່ສູ້ໃນວິກິດນີ້ ທັ້ງຕົວເພິ່ນ ແລະ ສິລະປິນທີ່ເຂົ້າຮ່ວມສະແດງຕ້ອງການຕອບແທນຄວາມມີເມດຕາທີ່ຄົນກຸ່ມນີ້ນຳມາມອບໃຫ້ທຸກຄົນ.

ລາຍໄດ້ຈາກຄອນເສີດນີ້ຈະນຳໄປສົມທົບໃນກອງທຶນ Covid-19 Solidarity Response Fund ຂອງອົງການ ອະນາໄມໂລກ. ເຖິງຢ່າງໃດກໍ່ຕາມ Lady Gaga ໄດ້ບອກວ່າ ຄອນເສີດການກຸສົນນີ້ບໍ່ໄດ້ຈັດເພື່ອຂໍເງິນຈາກສາທາລະນະຊົນ ແຕ່ຕ້ອງການມຸ່ງປະເດັນໄປທີ່ຄວາມບັນເທິງ ແລະຄວາມເປັນນໍ້າໜຶ່ງໃຈດຽວກັນ.

Lady Gaga

ທ່ານສາມາດຮັບຊົມຄອນເສີດຍ້ອນຫຼັງໄດ້ໃນເວັບໄຊຍູທູບ (YouTube): https://www.youtube.com/watch?v=BzjMqd6KqXg

 

ຮຽບຮຽງໂດຍ: ວະນິດາ

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...