spot_img
Homeຂ່າວຕ່າງປະເທດຣັດເຊຍສົ່ງອຸປະກອນທາງການແພດໄປຊ່ວຍອາເມລິກາ-ອິຕາລີ ທີ່ກຳລັງປະເຊີນກັບວິກິດໂຄວິດ-19

ຣັດເຊຍສົ່ງອຸປະກອນທາງການແພດໄປຊ່ວຍອາເມລິກາ-ອິຕາລີ ທີ່ກຳລັງປະເຊີນກັບວິກິດໂຄວິດ-19

Published on

ໂດຍການອ້າງອີງຈາກລາຍງານສຳນັກຂ່າວອິນເຕີແຟັກຊ໌ ເມື່ອວັນທີ 1 ເມສາ ທີ່ຜ່ານມາວ່າ ເຮືອບິນຄາຣ໌ໂກຂອງກະຊວງປ້ອງກັນປະເທດຣັດເຊຍ ໄດ້ສົ່ງອຸປະກອນການແພດ ແລະ ສິ່ງຂອງຈຳເປັນດ້ານສາທາລະນະສຸກຈຳນວນຫຼາຍໄປທີ່ອາເມລິກາ ເພື່ອສະໜັບສະໜູນພາລະກິດດ້ານສາທາລະນະສຸກຂອງອາມລິກາ ໃນການຕໍ່ສູ້ກັບວິກິດໂຣກລະບາດໂຄວິດ-19.

ເຖິງແມ່ນວ່າຈະບໍ່ມີການເປີດເຜີຍລາຍລະອຽດຢ່າງເປັນທາງການ ແຕ່ເຊື່ອວ່າອຸປະກອນທີ່ສົ່ງໄປນັ້ນຈະປະກອບມີໜ້າກາກອານາໄມ ແລະ ເຄື່ອງຊ່ວຍຫາຍໃຈ ເຊິ່ງທ່ານ ດະມິທຣີ ເປສຄອຟ ໂຄສົກທຳນຽບເຄຣມລິນ ກ່າວວ່າ ການສະໜັບສະໜູນຂອງຣັດເຊຍມີຂຶ້ນຫຼັງຈາກການສົນທະນາທາງໂທລະສັບລະຫວ່າງ ປະທານາທິບໍດີ ວາລາດິເມຍ ປູຕິນ ກັບ ປະທານາທິບໍດີ ໂດນັລ ທຣໍ້າ.

ກ່ອນໜ້ານີ້ ເມື່ອອາທິດທີ່ຜ່ານມາ ລັດຖະບານຣັດເຊຍໄດ້ສົ່ງມອບໜ້າກາກອານາໄມທາງການແພດ ແລະ ເຄື່ອງຊ່ວຍຫາຍໃຈ 600 ເຄື່ອງ ພ້ອມທັງບຸກຄະລາກອນການແພດອີກຈຳນວນໜຶ່ງ ໄປຊ່ວຍເຫຼືອອິຕາລີ ເຊິ່ງເປັນປະເທດທີ່ກຳລັງປະເຊີນໜ້າກັບການລະບາດຂອງໂຣກໂຄວິດ-19 ໃນລະດັບທີ່ໜັກໜ່ວງທີ່ສຸດໃນໂລກ.

 

ຮຽບຮຽງຂ່າວ: ພຸດສະດີ

ແຫຼ່ງຂໍ້ມູນ: www.dailynews.co.th

ບົດຄວາມຫຼ້າສຸດ

ເກືອບລ້ານເທື່ອຄົນ! ນັກທ່ອງທ່ຽວເຂົ້າມາທ່ຽວງຊົມແຂວງວຽງຈັນໃນ 3 ເດືອນຕົ້ນປີ 2025

3 ເດືອນຕົ້ນປີ 2025 ແຂວງວຽງຈັນສາມາດດຶງດູດນັກທ່ອງທ່ຽວເຂົ້າມາທ່ຽວຊົມໄດ້ 902.057 ເທື່ອຄົນ ແຫລ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ນັບແຕ່ເດືອນ ມັງກອນ ຫາ ເດືອນ ມີນາ 2025...

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...