spot_img
Homeຂ່າວທ້ອງຖິ່ນສະຫວັນນະເຂດແຈ້ງປໍ້ານໍ້າມັນເຊື້ອໄຟຫ້າມຂາຍນໍ້າມັນໃຫ້ຜູ້ຊື້ເພື່ອກັກຕຸນ

ສະຫວັນນະເຂດແຈ້ງປໍ້ານໍ້າມັນເຊື້ອໄຟຫ້າມຂາຍນໍ້າມັນໃຫ້ຜູ້ຊື້ເພື່ອກັກຕຸນ

Published on

ໜັງສືພິມວຽງຈັນໃໝ່ລາຍງານວ່າ ພະແນກອຸດສາຫະກໍາ ແລະ ການຄ້າ ແຂວງສະຫວັນນະເຂດ ໄດ້ອອກແຈ້ງການດ່ວນໃນເວລາ 17 ໂມງຂອງມື້ວັນທີ 19 ມີນາ 2020 ນີ້ວ່າ: ເຖິງບັນດາປໍ້າຂາຍຍ່ອຍນໍ້າມັນເຊື້ອໄຟທຸກປະເພດໃນຂອບເຂດແຂວງ ຫ້າມຂາຍນໍ້າມັນຈໍານວນຫຼາຍໃຫ້ປະຊາຊົນໂດຍສະເພາະປະຊາຊົນທີ່ເອົາກະຕຸກໄປຊື້ເພື່ອກັກຕຸນ.

ປະຈຸບັນມີຫຼາຍຄົນຢູ່ ແຂວງສະຫວັນນະເຂດ ຊື້ນໍ້າມັນເພື່ອກັກຕຸນ ຍ້ອນມີຂ່າວລືວ່າຈະມີການປິດດ່ານສາກົນຂົວມິດຕະພາບລາວ-ໄທ ແຫ່ງທີ 2 (ສະຫວັນນະເຂດ-ມຸກດາຫານ) ແລະ ດ່ານສາກົນແດນສະຫວັນ-ລາວບາວ (ລາວ-ຫວຽດນາມ) ຍ້ອນວ່າມີການລະບາດຂອງເຊື້ອຈຸລະໂລກສາຍພັນໃໝ່ 2019 ຢູ່ປະເທດເພື່ອນບ້ານ.

ທ່ານ ໂພສີສ້ອຍ ກຸທິລາດ ຫົວໝ້າພະແນກ ອຸດສາຫະກໍາ ແລະ ການຄ້າ ແຂວງສະຫວັນນະເຂດ ໄດ້ຈັດພິທີຖະແຫຼງຂ່າວດ່ວນກຽ່ວກັບປະກົດການທີ່ມີປະຊາຊົນຈໍານວນຫຼາຍທີ່ໄດ້ເອົາລົດ ແລະ ເອົາກະຕຸກໄປຊື້ນໍ້ານຈົນໄດ້ລຽນຄິວກັນວ່າ: ບໍ່ຕ້ອງວິຕົກວ່າຈະບໍ່ມີນໍ້າມັນພຽງພໍເພາະວ່າບັນດາບໍລີສັດທີ່ນໍາເຂົ້ານໍ້າມັນເຊື້ອໄຟຍັງນໍາເຂົ້ານໍ້າມັນເປັນປົກກະຕິ ແລະ ມີພຽງພໍ ໂດຍນໍາເຂົ້າຜ່ານດ່ານສາກົນຂົວມິດຕະພາບລາວ-ໄທ ແຫ່ງທີ 2 ແລະ ດ່ານສາກົນເເດນສະຫວັນ-ລາວບາວ.

ທ່ານ ໂພສີສອ້ຍ ໄດ້ກ່າວຕື່ມວ່າ: ຫ້າມບັນດາປໍ້າຂາຍຍ່ອຍນໍ້າມັນເຊື້ອໄຟ ຂາຍນໍ້າມັນຈໍານວນຫຼາຍໃຫ້ປະຊາຊົນເພື່ອກັກຕຸນ ແລະ ຫ້າມຂຶ້ນລາຄານໍ້າມັນທຸກປະເພດເກີນລາຄາຕາມແຈ້ງການຂອງ ກະຊວງອຸດສາຫະກໍາ ແລະ ການຄ້າ ຢ່າງເດັດຂາດ.

ນອກນັ້ນ, ຍັງມີຂ່າວລືວ່າຈະມີການປິດດ່ານສາກົນ ແລະ ຂໍແຈ້ງການໃຫ້ຮູ້ວ່ານັ້ນບໍ່ແມ່ນຄວາມຈິງ, ດ່ານສາກົນຍັງສືບຕໍ່ເປີດເປັນປົກກະຕິ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...