ກາຍເປັນຂ່າວຮືຮາໄປທົ່ວໂລກເມື່ອເດັກນ້ອຍຜູ້ຍິງອາຍຸພຽງ 12 ປີ ຖືກບັງຄັບໃຫ້ແຕ່ງດອງກັບຊາຍອາຍຸ 37 ປີ ແຕ່ຄວາມຈິງກັບປາກົດເປັນພຽງແຄມເປນລົນນະລົງ ຕ້ານການບັງຄັບເດັກນ້ອຍແຕ່ງດອງ
ເດັກນ້ອຍຊາວນອລ໌ເວ ຊື່ Thea ອາຍຸ 12ປີ ກຳລັງຈະແຕ່ງດອງກັບ Geir ຜົວອາຍຸ 37 ປີ ໃນມື້ນີ້ ໂດຍບັອກໜຶ່ງໃນນໍເວ ເປີດເຜີຍພາບ ພີເວດດິ້ງ ຂອງນາງທີ່ໄປລອງຊຸດແຕ່ງດອງ ສະຕາຍນໍເວ ແລະ ເດັກນ້ອຍຜູ້ຍິງໄດ້ບອກອີກດ້ວຍວ່າ ແມ່່ໃຫ້ລາວແຕ່ງດອງກັບເຂົາເພາະລາວຈະໄດ້ບໍ່ຕ້ອງໄປໂຮງຮຽນ ແລະ ພວກເຂົາຈະຫາທຸກຢ່າງມາໃຫ້ລາວໄດ້ ໂດຍທີ່ເຮົາບໍ່ຕ້ອງເຮັດວຽກເມື່ອຍ
ຫລັງຈາກມີຂ່າວນີ້ອອກໄປຈຶ່ງເຮັດໃຫ້ສັງຄົມອອກມາຄັດຄ້ານຕໍ່ຕ້ານງານແຕ່ງດອງ ວິກົນຈະລິດນີ້ ແລະ ເຂົ້າແຈ້ງຄວາມຢ່າງເປັນທາງການ ເພາະເຫັນວ່າບໍ່ເໝາະສົມເປັນຢ່າງຍິ່ງ ເຫດເພາະເດັກນ້ອຍ ອາຍຸພຽງ 12 ປີ ຍັງບໍ່ບັນລຸນິຕິພາວະ ເຮັດໃຫ້ຕຳຫລວດຮີບເຂົ້າໄປກວດສອບທັນທີແຕ່ເລື່ອງກໍມາສະເຫຼີຍວ່າ ທີ່ຈິງເປັນແຄມເປນຂອງ charity Plan International ທີ່ມີຈຸດປະສົງປະກາດຄວາມໜ້າຢ້ານ ຂອງການບັງຄັບລູກສາວໂຕນ້ອຍໆບໍ່ທັນບັນລຸນິຕິພາວະ ໄປແຕ່ງດອງກັບຜູ້ຊາຍທີ່ມີອາຍຸຫລາຍກວ່າຫລາຍ
ອ້າງອິງສະຖິຕິ ວ່າມີຈຳນວນເຖິງ 39, 000 ຄົນ ເມື່ອເດັກນ້ອຍ ຖືກສົ່ງມອບໄປແລ້ວພວກນາງຕ້ອງທໍລະມານຢ່າງຍິ່ງໃນການຖືກຂົ່ມຂືນ ແລະ ໃຊ້ເຮັດວຽກເຮືອນ ລວມທັງຫ້າມພົບພໍ້ຄອບຄົວເກົ່າ ຍັງບໍ່ນັບການຖືພາ ການລຸລູກ ແລະ ອາດຈະມີການລົງມືທຳຮ້າຍຮ່າງກາຍ ຫລື ຂ້ານຳ ຊຶ່ງເລື່ອງນີ້ເຮົາຕ້ອງການໃຫ້ສັງຄົມຮັບຮູ້ວ່າ ຄວນລະວັງ ແລະ ປ້ອງກັນ
