spot_img
Homeຂ່າວທ້ອງຖິ່ນສະພາບເຫດການຢາເສບຕິດໃນແຂວງບໍ່ແກ້ວຍັງໜ້າເປັນຫ່ວງ

ສະພາບເຫດການຢາເສບຕິດໃນແຂວງບໍ່ແກ້ວຍັງໜ້າເປັນຫ່ວງ

Published on

ໜັງສືພິມປ້ອງກັນຄວາມສະຫງົບລາຍງານເມື່ອວັນທີ 26 ກຸມພາ 2020 ວ່າ ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງບໍ່ແກ້ວ ໃຫ້ຮູ້ວ່າ: ສະພາບຢາເສບຕິດພາຍໃນແຂວງບໍ່ແກ້ວ ຍັງເປັນສິ່ງທ້າທາຍໃນການສະກັດ ແລະ ປາບປາມ, ເຊິ່ງໃນໄລຍະທີ່ຜ່ານມາ ກຸ່ມຄົນທີ່ລັກລອບຄ້າຂາຍຢາເສບຕິດ ດ້ວຍວິທີການທີ່ເລິກແລບແນບນຽນ ຈັດຕັ້ງເປັນເຄືອຂ່າຍ, ເປັນຂະບວນການ. ສະເພາະໃນ 1 ປີຜ່ານມາ, ສາມາດມ້າງຄະດີໄດ້ທັງໝົດ 177 ເລື່ອງ, ກັກຜູ້ຖືກຫາ 197 ຄົນ ຍິງ 12 ຄົນ. ໃນນີ້, ມີຄົນຕ່າງປະເທດ 15 ຄົນ ຢຶດຢາບ້າ 12.288.408 ເມັດ, ຢາໄອສ໌ 1.446 ກິໂລກຼາມ ກັບ 38 ຖົງ, ໂຄເຄນ 2 ກິໂລກຼາມ, ແປ້ງຝຸ່ນ 10 ໂຕນ, ຝິ່ນ 1 ຫໍ່, ເງິນກີບ 6.574000 ກີບ, ເງິນບາດ 71.450 ບາດ, ເງິນໂດລາ 100 ໂດລາ, ເງິນດົງ 140.000 ດົງ, ລົດໃຫຍ່ 17 ຄົນ, ລົດຈັກ 33 ຄັນ, ໂທລະສັບ 28 ເຄື່ອງ, ສາຍຄໍສີເຫຼືອງຄ້າຍຄືຄໍາ 3 ເສັ້ນ, ແຫວນສີເຫຼືອງຄ້າຍຄືຄໍາ 3 ວົງ, ປືນສັ້ນ 3 ກະບອກ ພ້ອມລູກ 17 ລູກ, ປືນຍາວ 2 ກະບອກ, ປືນປະດິດ 4 ກະບອກ, ປືນແກັບ 2 ກະບອກ, ປືນດັດຍິງລູກຕະປູ 1 ກະບອກ ພ້ອມລູກ 11 ລູກ, ສະຫຼຸບສຳ ນວນຄະດີ ສົ່ງໃຫ້ໄອຍະການ 128 ເລື່ອງ, ມີຜູ້ຖືກຫາ 159 ຄົນ, ຄົນຕ່າງປະເທດ 5 ຄົນ.

ໃນປີ 2020 ນີ້, ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງບໍ່ແກ້ວ ຈະໄດ້ສຸມໃສ່ກໍາແໜ້ນບັນດາເປົ້າໝາຍທີ່ມີການພົວພັນກັບບັນຫາຢາເສບຕິດ ໂດຍມອບໃຫ້ພະນັກງານສືບຂ່າວລົງເກັບກໍາຂ່າວ-ສະພາບຢູ່ພື້ນທີ່ຕົວຈິງ, ເມື່ອກໍາໄດ້ສະພາບເປົ້າໝາຍກຸ່ມແກ້ງ, ເຄືອຂ່າຍການເຄື່ອນໄຫວ ແລ້ວຊອກຫາວິທີສະກັດກັ້ນຢ່າງທັນການ ແລະ ປັບປຸງແກ້ໄຂບັນດາຊ່ອງວ່າງ, ຄຸ້ມຄອງສຶກສາອົບຮົມປິ່ນປົວຜູ້ຕິດຢາເສບຕິດ ພາຍຫຼັງບໍາບັດອອກມາແລ້ວແລ້ວບໍ່ໃຫ້ກັບໄປພົວພັນກັບຢາເສບຕິດອີກ, ເອົາໃຈໃສ່ສະກັດກັ້ນກຸ່ມຄ້າຂາຍຢາເສບຕິດໃຫ້ມີລັກສະນະຫຼຸດລົງ ພ້ອມທັງຂຶ້ນແຜນນໍາສະເໜີໃຫ້ຂັ້ນເທິງ ເພື່ອລົງກວດກາຕາມຈຸດເສັ້ນທາງບ່ອນທີ່ມີການຂົນສົ່ງ ຫຼື ເສັ້ນທາງຜ່ານ.

ຢ່າງໃດກໍດີ, ການແກ້ບັນຫາດັ່ງກ່າວນີ້, ທຸກພາກສ່ວນທີ່ກ່ຽວຂ້ອງ ກໍຕ້ອງຊ່ວຍກັນໂຄສະນາສຶກສາອົບຮົມ ດ້ວຍຫຼາຍຮູບການ ເພື່ອປູກຈິດສໍານຶກໃຫ້ຄົນໃນສັງຄົມເຫັນໄດ້ເຖິງພິດໄພ ແລະ ຜົນຮ້າຍຂອງມັນ, ເອົາໃຈໃສ່ຢ່າງຕັ້ງໜ້າຕໍ່ວຽກງານການບໍາບັດປິ່ນປົວ, ຟື້ນຟູສຸຂະພາບ ແລະ ຝຶກວິຊາຊີບໃຫ້ຜູ້ທີ່ຕົກເປັນຜູ້ເຄາະຮ້າຍ, ຕິດຕາມກວດກາ ແລະ ສຶກສາອົບຮົມບໍ່ໃຫ້ມີການລັກລອບປູກຝິ່ນ-ກັນຊາ ຫຼື ສານເສບຕິດອື່ນໆ, ສະກັດກັ້ນ ແລະ ປາບປາມພວກຄ້າ-ຂາຍຢາເສບຕິດຢູ່ຕາມທ້ອງຖິ່ນຕ່າງໆຢ່າງເຂັ້ມງວດ, ເດັດຂາດ ແລະ ຮັດກຸມ, ເພີ່ມທະວີການພົວພັນ-ຮ່ວມມືກັບສາກົນ ໂດຍສະເພາະກັບບັນດາປະເທດເພື່ອນບ້ານໃກ້ຄຽງ ເພື່ອແລກປ່ຽນຂໍ້ມູນ- ຂ່າວສານ ເພື່ອສະກັດກັ້ນ ແລະ ຕ້ານການລັກລອບຄ້າ-ຂາຍ ແລະ ລໍາລຽງຂົນສົ່ງຢາເສບຕິດໃຫ້ຫຼຸດໜ້ອຍຖອຍລົງເທື່ອລະກ້າວ.

 

ຮຽບຮຽງຂ່າວ:​ ພຸດສະດີ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...