ໜ່ວຍກູ້ໄພໃນອິນເດຍ ເລີ່ີມປະຕິບັດການໃຫ້ຄວາມຊ່ວຍເຫລືອ ເຂດພື້ນທີ່ປະສົບໄພ ຫລັງພາຍຸໄຊໂຄນ ຮຸດຮຸດ ພັດ
ຖະຫລົ່ມຊາຍຝັ່ງດ້ານຕາເວັນອອກຂອງອິນເດຍ ເຮັດໃຫ້ມີຜູ້ເສຍຊີວິດແລ້ວ 8 ຄົນ.
ສຳນັກຂ່າວຕ່າງປະເທດລາຍງານ ເມື່ອວັນທີ 14 ຕຸລານີ້ວ່າ ກອງທັບເຮືອອິນເດຍ ພ້ອມດ້ວຍໜ່ວຍກູ້ໄພ 24 ທີມ ແລະ
ທີມແພດອີກ 155 ທີມ ໄດ້ເລີ່ມປະຕິບັດການໃຫ້ຄວາມຊ່ວຍເຫລືອປະຊາຊົນຫລາຍແສນຄົນ ໃນພື້ນທີ່ປະສົບໄພຈາກ
ພາຍຸໄຊໂຄນ ຮຸດຮຸດ ຫລັງພາຍຸຫົວດັ່ງກ່າວ ໄດ້ພັດຖະຫລົ່ມລັດອານທະລະປະເທດ ແລະ ລັດໂອຣິສາແລ້ວ ໃນຕອນທ່ຽງ
ຂອງວັນທີ 12 ຕຸລາ 2014 ດ້ວຍຄວາມໄວລົມ 205 ກິໂລແມັດຕໍ່ຊົ່ວໂມງ ໂດຍອິດທິພົນຂອງພາຍຸ ໄດ້ເຮັດໃຫ້ເຮືອນຊານ
ຂອງປະຊາຊົນເສຍຫາຍ ແລະ ເກີດຝົນຕົກໜັກ, ລົມແຮງ ຈົນຕົ້ນໄມ້ ແລະ ເສົາໄຟຟ້າຫັກລົງເນລະນາດ ໂດຍມີຜູ້ເສຍ
ຊີວິດແລ້ວ 8 ຄົນຈາກຜົນຂອງພາຍຸດັ່ງກ່າວ.
ດ້ານສຳນັກງານອຸຕຸນິຍົມວິທະຍາຂອງອິນເດຍ ຄາດການວ່າ ພາຍຸຫົວດັ່ງກ່າວຈະອ່ອນກຳລັງລົງຈາກລະດັບຮຸນແຮງ
ຫລາຍ ມາເປັນລະດັບຮຸນແຮງ ໃນຂະນະທີ່ເຄື່ອນຕົວໄປທາງຕາເວັນຕົກສຽງເໜືອຂອງອິນເດຍ ເຊິ່ງອາດເຮັດໃຫ້ມີ
ຝົນຕົກໜັກໃນ 4 ລັດຂອງອິນເດຍ ແລະ ເຮັດໃຫ້ມີຄື້ນທະເລສູງກ່ວາ 2 ແມັດ ເຊິ່ງຈະເຮັດໃຫ້ເກີດນ້ຳຖ້ວມໃນບໍລິ
ເວນພື້ນທີ່ຕ່ຳໄດ້.