ໂຈນີ ໄອຟ (Jony Ive) ນັກອອກແບບສິນຄ້າຂອງບໍລິສັດແອັບເປິລປະກາດກຽມລາອອກໃນທ້າຍປີນີ້ ທັງນີ້ ໂຈນີ ຄືຜູ້ທີ່ຢູ່ເບື້ອງ ຫຼັງສິນຄ້າທີ່ໂດດເດັ່ນບໍ່ວ່າຈະເປັນ ໄອໂຟນ ແລະ ໄອແພັດ ໂດຍໃຫ້ເຫດຜົນວ່າຈະທຸ່ມເທເວລາໃຫ້ກັບບໍລິສັດຂອງຕົນເອງຢ່າງເຕັມ ທີ່ ຊຶ່ງຈະເນັ້ນການເປັນພັນທະມິດກັບແອັບເປິລຕໍ່ໄປ.
ຂະນະທີ່ ທິມ ຄຸກ ປະທານຄະນະເຈົ້າໜ້າທີ່ບໍລິຫານ ຫຼື CEO ຂອງແອັບເປິລກໍໄດ້ກ່າວຍ້ອງຍໍ ໂຈນີ ໃນຖານະບຸກຄະລາກອນຊົງຄຸນຄ່າຂອງບໍລິສັດ ການທຸ່ມເທເຮັດວຽກຕະຫຼອດເວລາທີ່ຜ່ານມາຂອງ ໂຈນີ ໄດ້ເຮັດໃຫ້ຜົນງານທຸກຢ່າງທີ່ເກີດມາຈາກແນວຄວາມຄິດ ແລະ ມັນສະໝອງຂອງເຂົາຖືເປັນສິ່ງທີ່ດີເລີດ ໂຈນີ ຖືເປັນບຸກຄົນທີ່ມີພອນສະຫວັນ ແລະ ແອັບເປິລມີຄວາມຍິນດີເປັນຢ່າງຍິ່ງທີ່ຈະໄດ້ຮ່ວມງານກັບ ໂຈນີ ອີກຕໍ່ໄປ.
ໂຈນີ ໃນໄວ 52 ປີຊາວອັງກິດຊຶ່ງຮ່ວມງານກັບແອັບເປິລເລີ່ມແຕ່ເດືອນກັນຍາ 1992 ໂດຍໄດ້ເຂົ້າສູ່ທີມການອອກແບບສິນຄ້າທີ່ສາມາດສ້າງເອກະລັກໃຫ້ກັບຄວາມເປັນແອັບເປິລ ບໍ່ວ່າຈະເປັນໄອພັອດ ໄອໂຟນ ໄອແພັດ ແລະ ຄອມພິວເຕີຕະກູນແມັກ ລວມທັງມີບົດບາດໃນການພັດທະນາລະບົບປະຕິບັດການ OS ສຳລັບຜະລິດຕະພັນຂອງບໍລິສັດອີກດ້ວຍ.
ຮຽບຮຽງ: ສະະຫະລັດ ວອນທິວົງໄຊ
ຮູບພາບ: dailynews