ຖືເປັນອີກໜຶ່ງຮູບເງົາທີ່ມີແຟນໆຕິດຕາມຢູ່ທົ່ວໂລກສຳລັບເຟຣນຊາຍຮູບເງົາຍອດນິຍົມນັ້ນກໍຄື Charlie’s Angels ພາຍຫຼັງທີ່ຖືກດັດແປງຈາກຊີຣີທາງໂທລະພາບໃນອະດີດໃຫ້ກາຍເປັນຮູບເງົາຟອມຍັກເມື່ອປີ 2000 ຊຶ່ງໄດ້ສ້າງກະແສຮືຮາ ແລະ ເປັນຮູບເງົາທີ່ຖືກເວົ້າເຖິງຫຼາຍທີ່ສຸດ ບວກກັບນັກສະແດງຊື່ດັງທີ່ຮັບບົດສາມສາວນາງຟ້ານັ້ນກໍຄື ດຣູ ແບຣີມໍຣ ລູຊີ ລິວ ແລະ ຄາເມຣອນ ດີແອຊ.
ຫຼ້າສຸດ ໃນປີ 2019 ນີ້ ສະຕູດິໂອຍັກໃຫຍ່ນັ້ນກໍຄື ໂຊນີ່ ໄດ້ຈັບເອົາຮູບເງົາ Charlie’s Angels ໃນເວີເຊິນໃໝ່ຊຶ່ງກຽມອອກສາຍໃຫ້ແຟນໆໄດ້ຮັບຊົມໃນເດືອນພະຈິກທີ່ຈະເຖິງນີ້ ກຳກັບໂດຍ ອາລິຊາເບທ ແບັງ ຊຶ່ງຫຼ້າສຸດກໍໄດ້ປ່ອຍພາບຕົວຢ່າງອອກມາໃຫ້ໄດ້ຮັບຊົມແລ້ວ ຊຶ່ງໃນເວີເຊິນນີ້ໄດ້ 3 ນັກສະແດງທີມໃໝ່ທີ່ມາຮັບບົດນາງຟ້າຊາລີນັ້ນກໍຄື ຄຣິສຕຽນ ສະຈວຕ ນາໂອມິ ສະກ໋ອດ ແລະ ເອລລ່າ ບາລິນສະກາ ຖືເປັນ 3 ນັກສະແດງທີ່ໂດ່ງດັງທີ່ສຸດໃນຍຸກນີ້.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: posttoday