ຖືເປັນຂ່າວທີ່ເຮັດໃຫ້ແຟນໆທົ່ວໂລກຕ້ອງຕົກຕະລຶງເມື່ອ 2 ຊຸບຕາຄື (ຊົງຈຸງກິ ແລະ ຊົງເຮຄຽວ) ອອກມາປະກາດຢ່າຮ້າງແບບສາຍຟ້າແລບ.

ໂດຍທະນາຍຄວາມຂອງ ຊົງຈຸງກິ ໄດອອກມາປະກາດຢ່າງເປັນທາງການໃນວັນທີ 27 ມິຖຸນາວ່າ ຊົງຈຸງກິ ນັກສະແດງຊື່ດັງຊາວ ສ.ເກົາຫຼີ ໄວ 33 ປີ ໄດ້ຟ້ອງຮ້ອງຢ່າພັນລະຍານັ້ນກໍຄື ຊົງເຮຄຽວ ນັກສະແດງສາວຍອດນິຍົມທີ່ສານຄອບຄົວນະຄອນຫຼວງໂຊລ ຊຶ່ງໃນຄຳຖະແຫຼງມີເນື້ອໃນວ່າ ຊົງຈຸງກິ ໄດ້ຂໍໂທດແຟນໆ ແລະ ອະທິບາຍວ່າ ເຂົາຫວັງວ່າການຢ່າຮ້າງຈາກພັນລະຍາຈະເປັນໄປດ້ວຍຄວາມປານີປານອມ.

ທັງນີ້ ຊຸບຕາທັງ 2 ເຂົ້າພິທີແຕ່ງດອງເມື່ອເດືອນຕຸລາ 2017 ພາຍຫຼັງທີ່ທັງ 2 ຮ່ວມສະແດງໃນຊີຣີເລື່ອງ Descendants Of The Sun ທີ່ໂດ່ງດັງໄປທົ່ວໂລກ ແລະ ໄດ້ປ່ຽນຈາກຄູ່ຈິ້ນໃນຈໍກາຍເປັນຄູ່ຊີວິດໃນຊີວິດຈິງ.

ຂະນະທີ່ຍັງບໍ່ມີການອອກມາຖະແຫຼງຂ່າວໃດໆຂອງຝ່າຍພັນລະຍາ (ຊົງເຮຄຽວ) ກ່ຽວກັບ ເລື່ອງລາວດັ່ງກ່າວ.

ຮຽບຮຽງ: ສະຫະລັດ ວອນທິວົງໄຊ

ຮູບພາບ: posttoday