spot_img
Homeຂ່າວຕ່າງປະເທດເຟດເອັກຊ ຟ້ອງລັດຖະບານອາເມຣິກາກໍລະນີຄວ້ຳບາດຮົວເຫວີຍ

ເຟດເອັກຊ ຟ້ອງລັດຖະບານອາເມຣິກາກໍລະນີຄວ້ຳບາດຮົວເຫວີຍ

Published on

ບໍລິສັດເຟດເອັກຊຍື່ນຟ້ອງກະຊວງອຸດສາຫະກຳຂອງອາເມຣິກາກ່ຽວກັບມາດຕະການຄອບຄຸມການຈັດສົ່ງສິນຄ້າ ຊຶ່ງເປັນຜົນຈາກມາດຕະການຄວ້ຳບາດບໍລິສັດ ຮົວເຫວີຍ ອັນໄດ້ສົ່ງຜົນໃຫ້ເຟດເອັກຊມີບັນຫາກັບລັດຖະບານປັກກິ່ງ.

ລາຍງານຂ່າວຕ່າງປະເທດເມື່ອວັນທີ 25 ມິຖຸນາຜ່ານມາໃຫ້ຮູ້ວ່າ ບໍລິສັດເຟດເອັກຊຜູ້ໃຫ້ບໍລິການຂົນສົ່ງ ແລະ ຈັດສົ່ງສິນຄ້າດ່ວນລະຫວ່າງປະເທດລາຍໃຫຍ່ຂອງອາເມຣິກາ ຊຶ່ງມີສຳນັກງານໃຫຍ່ຢູ່ທີ່ເມືອງເມມຟິສ ລັດເທນເນສຊີ ໄດ້ຍື່ນເລື່ອງຕໍ່ສານແຂວງລັດຖະບານກາງໃນນະຄອນວໍຊີງຕັນກ່ຽວກັບການຟ້ອງຮ້ອງກະຊວງອຸດສາຫະກຳຂອງອາເມຣິກາກ່ຽວກັບມາດຕະການຄວ້ຳບາດຕໍ່ບໍລິສັດ ຮົວເຫວີຍ ຊຶ່ງຄອບຄຸມເຖິງການຈັດສົ່ງສິນຄ້າໃຫ້ກັບຜູ້ປະກອບການດ້ານເຕັກໂນໂລຊີ ແລະ ການສື່ສານໂທລະຄົມມະນາ ຄົມຍັກໃຫຍ່ຂອງ ສປ ຈີນ.

ໂດຍເນື້ອໃນຕອນໜຶ່ງໃນເອກະສານປະກອບການຟ້ອງຮ້ອງລະບຸຊື່ ວິລເບີຣ ຣອສ ລັດຖະມົນຕີກະຊວງອຸດສາຫະກຳເປັນໜຶ່ງໃນຈຳເລີຍຄົນສຳຄັນ ໂດຍເຟດເອັກຊເປັນບໍລິສັດຈັດສົ່ງສິນຄ້າບໍ່ແມ່ນໜ່ວຍງານຊຶ່ງມີອຳນາດບັງຄັບໃຊ້ກົດໝາຍ ດັ່ງນັ້ນ ລັດວໍຊີງ ຕັນ ຈຶ່ງບໍ່ຄວນຕັ້ງຄວາມຫວັງຫຼາຍຈົນເກີນໄປວ່າເຟດເອັກຊຈະສາມາດຄອບຄຸມ ແລະ ກວດສອບສິນຄ້າທີ່ຜ່ານຂະບວນການມື້ລະຫຼາຍລ້ານຊະນິດ ແລະ ມີຈຸດໝາຍສົ່ງໄປຍັງຫຼາຍປະເທດທົ່ວໂລກ ນອກຈາກນີ້ ຍັງເປັນເລື່ອງທີ່ບໍ່ສົມເຫດສົມຜົນຢ່າງຍິ່ງທີ່ເຟດເອັກຊຕ້ອງຮັບຜິດຊອບແຕ່ພຽງຜູ້ດຽວຕໍ່ກໍລະນີຈັດສົ່ງພັດສະດຸທີ່ທາງບໍລິສັດຈະບໍ່ມີທາງຮູ້ລ່ວງໜ້າໄດ້ວ່າ “ແມ່ນຫຍັງ” ແລະ ກ່ຽວຂ້ອງກັບຄວາມຂັດແຍ່ງທາງການຄ້າລະຫວ່າງອາເມຣິກາ ແລະ ສປ ຈີນ.

ທັງນີ້ ຄຳຮ້ອງຟ້ອງຂອງເຟດເອັກຊຕໍ່ກະຊວງອຸດສາຫະກຳອາເມຣິກາກໍບໍ່ໄດ້ພາດພິງຊື່ຂອງບໍລິສັດຮົວເຫວີຍໂດຍກົງ ແຕ່ເປັນຄວາມເຄື່ອນໄຫວທີ່ເກີດຂຶ້ນພາຍພຽງມື້ດຽວພາຍຫຼັງທີ່ກະຊວງການຕ່າງປະເທດຂອງຈີນກົດດັນໃຫ້ເຟດເອັກຊຊີ້ແງດ້ວຍເຫດຜົນ ແລະ ເປັນທາງການຈາກກໍລະນີພັດສະດຸຂອງຮົວເຫວີຍທີ່ສົ່ງເມື່ອບໍ່ດົນມານີ້ຊຶ່ງພາຍໃນເປັນພຽງສະມາດໂຟນເຄື່ອງດຽວ ແລະ ມີປາຍທາງຄືອາເມຣິກາຖືກຕີກັບໄປຍັງຕົ້ນທາງໃນອັງກິດ ຂະນະທີ່ເຟດເອັກຊກໍໄດ້ອອກມາຂໍໂທດເປັນທີ່ຮຽບຮ້ອຍແລ້ວ.

 

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: dailynews

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...