ເກີດເຫດບໍ່ຄາດຝັນທີ່ລັດຣາຊສະຖານຂອງອິນເດຍ ເມື່ອຊາວບ້ານຫຼາຍກວ່າ 300 ຄົນກຳລັງຮ່ວມພິທີກຳທາງສາສະໜາທ່າມກາງສາຍຝົນ ກ່ອນທີ່ເຕັ້ນຂະໜາດໃຫຍ່ຈະຖືກລົມ ພັດຈົນພັງລົງມາທັບຜູ້ທີ່ມາຮ່ວມງານເສຍຊີວິດຢ່າງໜ້ອຍ 14 ລາຍ ແລະ ບາດເຈັບຫຼາຍກວ່າ 50 ຄົນ.
ເຫດການດັ່ງກ່າວເກີດຂຶ້ນເມື່ອວັນທີ 23 ມິຖຸນາຜ່ານມາຢູ່ທາງພາກຕາເວັນຕົກສຽງເໜືອຂອງອິນເດຍ ຕາມການລາຍງານຂອງສຳນັກຂ່າວຕ່າງປະເທດໃຫ້ຮູ້ວ່າ ຜູ້ເຄາະຮ້າຍບາງລາຍເສຍຊີວິດຈາກການຖືກໄຟຊ໋ອດ ຂະນະທີ່ບາງລາຍກໍເສຍຊີວິດຈາກການຖືກເຕັ້ນຫັກລົງມາທັບ.
ຂະນະທີ່ ທ່ານ ພັນວາຣ ລາລ ເມກວາລ ລັດຖະມົນຕີວ່າການກະຊວງການຈັດການໄພພິບັດ ແລະ ການບັນເທົາທຸກຂອງລັດຣາຊສະຖານໄດອອກມາຕັ້ງຄຳຖາມວ່າ ເຫດໃດທາງຜູ້ຈັດງານຈຶ່ງບໍ່ຕັດໄຟທັງທີ່ຝົນຕົກໜັກ ຊຶ່ງເຈົ້າໜ້າທີ່ຕຳຫຼວດກຳລັງສືບສວນ-ສອບ ສວນຫາສາເຫດທີ່ແທ້ຈິງຂອງເຫດການຄັ້ງນີ້ ສ່ວນຜູ້ນຳຂອງອິນເດຍກໍໄດ້ອອກມາລະບຸຜ່ານທະວິດເຕີວ່າ ເຫດການນີ້ເປັນເລື່ອງໂຊກຮ້າຍ ແລະ ຂໍສະແດງຄວາມເສຍໃຈຕໍ່ຄອບຄົວຂອງຜູ້ຖືກເຄາະຮ້າຍ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: thairath