ລາຍງານຂ່າວຕ່າງປະເທດເມື່ອວັນທີ 21 ມິຖຸນາຜ່ານມາໃຫ້ຮູ້ວ່າ ເກີດເຫດໄຟໄໝ້ ແລະ ລະເບີດທີ່ບ້ານດັດແປງສະພາບຈາກເຮືອນເປັນໂຮງງານຜະລິດກັບໄຟຊຶ່ງດັດແປງສະພາບເຮືອນເຊົ່າມາເປັນໂຮງງານໃນເມືອງບິນໄຈ ແຂວງສຸມາດຕຣາເໜືອຂອງອິນໂດເນເຊຍ ເຫດການດັ່ງກ່າວພົບມີຜູ້ເສຍຊີວິດຢ່າງໜ້ອຍ 30 ລາຍ ໃນນັ້ນ ຈຳນວນຫຼາຍເປັນເດັກນ້ອຍ.
ສ່ວນເຈົ້າຂອງເຮືອນຫຼັງທີ່ເກີດເຫດຊື່ວ່າ ຣອສ ຍິງໄວຊະລາ ໄດ້ກ່າວວ່າ ຕົນເອງໄດ້ໃຫ້ນັກທຸລະກິດຈາກເມືອງເມດານມາເຊົ່າເຮືອນຫຼັງນີ້ດົນກວ່າ 4 ປີແລ້ວ ຂະນະທີ່ຕຳຫຼວດຍັງສອບສວນສາເຫດໄຟໄໝ້ດັ່ງກ່າວ.
ຂະນະທີ່ ທ້າວ ຊອຟຢານ ຜູ້ທີ່ສູນເສຍເມຍ ແລະ ລູກສາວໃນເຫດການດັ່ງກ່າວກໍໄດ້ກ່າວວ່າ ລູກ-ເມຍຂອງຕົນບໍ່ສາມາດຫຼົບໜີອອກມາຈາກເຫດການດັ່ງກ່າວໄດ້ ເນື່ອງຈາກປະຕູບ້ານຖືກລ໋ອກ ແລະ ແປວໄຟກໍໄໝ້ຢ່າງໄວວາ ຊຶ່ງກໍເຮັດໄດ້ພຽງລໍຖ້າຜົວກວດ DNA ແລ້ວຈຶ່ງນຳສົບກັບໄປເຮັດພິທີຕາມສາສະໜາ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: khaosod