ເຮືອບິນນ້ອຍຂະໜາດນ້ອຍເກີດອຸບັດເຫດຕົກຢູ່ທາງຕອນເໜືອຂອງລັດຮາວາຍ ສະຫະລັດອາເມຣິກາເມື່ອວັນທີ 21 ມິຖຸນາຜ່ານມາ ສົ່ງຜົນໃຫ້ມີຜູ້ເສຍຊີວິດ 11 ລາຍ.
ກົມການຂົນສົ່ງຂອງລັດຮາວາຍໄດ້ຖະແຫຼງວ່າ ເຮືອບິນຂະໜາດນ້ອຍທີ່ມີຊື່ວ່າ ຄິງ ແອຣ ປະສົບອຸບັດເຫດຕົກໃກ້ກັບສະໜາມບິນເທິງເກາະໂອອາຮູທາງເໜືອງຂອງລັດຮາວາຍ ຊຶ່ງມີນັກບິນ ແລະ ລູກເຮືອລວມ 11 ຄົນ (ເສຍຊີວິດໝົດ).
ຂະນະທີ່ຫົວໜ້າໜ່ວຍດັບເພີງທ້ອງຖິ່ນກ່າວວ່າ ເຮືອບິນລຳດັ່ງກ່າວເປັນເຮືອບິນທີ່ໃຊ້ສຳລັບນັກໂດດຈ້ອງເທົ່ານັ້ນ ສ່ວນເຈົ້າເມືອງຮອນໂນລູລູກໍໄດ້ກ່າວວ່າ ໄດ້ຕິດຕາມສະຖານະການຢ່າງໃກ້ຊິດ ແລະ ຂໍສະແດງຄວາມເສຍໃຈມາຍັງຄອບຄົວຜູ້ທີ່ໄດ້ຮັບເຄາະຮ້າຍໃນຄັ້ງນີ້ຢ່າງສຸດຊຶ້ງ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: dailynews