ລາຍງານຂ່າວຕ່າງປະເທດເມື່ອວັນທີ 19 ມິຖຸນາຜ່ານມາໃຫ້ຮູ້ວ່າ ຄະນະສອບສວນນາໆຊາດ ຫຼື JIT ໄດ້ເປີດຖະແຫຼງການທີ່ເມືອງນິວເວີຣໄຄ ປະເທດເນເທີແລນ ໂດຍໄດ້ຊີ້ແຈງຜົນກວດສອບກໍລະນີເຮືອບິນຂອງສາຍການາບິນມາເລເຊຍ ແອຣລາຍ ຖ້ຽວບິນທີ MH17 ຊຶ່ງຖືກຍິງຕົກເໜືອນ່ານຟ້າແຄວ້ນໂຄເນຕສ ດິນແດນພິພາດທາງພາກຕາເວັນອອກຂອງຢູເຄຣນເມື່ອເດືອນມັງກອນ 2014 ສົ່ງຜົນໃຫ້ລູກເຮືອ ແລະ ຜູ້ໂດຍສານລວມ 289 ລາຍເສຍຊີວິດ.
ທ່ານ ວິລເບີຣຕ ພໍລິສເຊນ ຜູ້ບັນຊາການຕຳຫຼວດແຫ່ງຊາດຂອງເນເທີແລນໄດ້ອອກຖະແຫຼງປະກາດຈັບຜູ້ຕ້ອງຫາ 4 ຄົນຄື ອິກກໍຣ ເກີຣກິນ ເຊີຣເກ ດູບິນສະກີ ແລະ ໂອເລກ ປູລາຕອຟ ທັງໝົດເປັນຊາວຣັດເຊຍ ແລະ ອີກ 1 ຄົນກໍຄື ລີໂອນິກ ຄາຣເຊນໂກ ຊາວຢູເຄຣນ ທັງນີ້ JIT ໄດ້ລະບຸວ່າ ຜູ້ຕ້ອງຫາທັງ 4 ຄົນມີຄວາມກ່ຽວໂຍງກັບຂີປະນາວຸດລຸ້ນທີ່ຜະລິດໃນຣັດເຊຍຊຶ່ງຖືກໃຊ້ຍິງເຮືອບິນລຳດັ່ງກ່ວ ແລະ ຖືກຕັ້ງຂໍ້ຫາຄາຕະກຳ ນອກຈາກນີ້ ກໍຈະສືບສວນເພີ່ມເຕີມກັບສາຍບັງຄັບການບັນຊາການຝ່າຍຣັດເຊຍທີ່ອາດຢູ່ເບື້ອງຫຼັງເຫດການດັ່ງກ່າວ ສ່ວນການສືບສວນ-ສອບສວນແມ່ນຈະເລີ່ມໃນເດືອນມີນາ 2020 ທີ່ຈະເຖິງນີ້.
ຂະນະທີ່ ເກີຣກິນ ອະດີດຫົວໜ້າທະຫານກຸ່ມກະບົດຂອງຢູເຄຣນໄດ້ບອກກັບສຳນັກຂ່າວວ່າ ກຸ່ມກະບົດບໍ່ໄດ້ຍິງເຮືອບິນ MH17 ຕົກ ສ່ວນທ່ານ ເຟຣດ ເວສເທີຣເບກ ໄອຍະການໃນຄະນະສອບສວນນາໆຊາດກ່າວກວ່າ JIT ຈະບໍ່ຂໍໃຫ້ທາງການຣັດເຊຍ ແລະ ຢູເຄຣນສົ່ງຕົວຜູ້ຕ້ອງຫານທັງ 4 ຄົນມາເນເທີແລນໃນຖານະຜູ້ຮ້າຍຂ້າມແດນ ເນື່ອງຈາກລັດຖະທຳມະນູນຂອງທັງສອງປະເທດມີ ການຫ້າມການກະທຳດັ່ງກ່າວ ຊຶ່ງໄລຍະທຳອິດ JIT ຈະຂໍໃຫ້ທາງການຣັດເຊຍສົ່ງໝາຍເອີ້ນຜູ້ຕ້ອງຫາທັງ 4 ຊຶ່ງຢູ່ໃນຣັດເຊຍ ແລະ ຂໍໃຫ້ທາງການຣັດເຊຍດຳເນີນການສອບປາກຄຳຜູ້ຕ້ອງຫາໃນຂໍ້ຫາຄາຕະກຳ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: khaosod