ທາງການຂອງນະຄອນຫຼວງເມັກຊີໂກຊີຕີ ເມືອງຫຼວງຂອງເມັກຊີໂກໄດ້ປະກາດນະໂຍບາຍໃໝ່ດ້ວຍການໃຫ້ນັກຮຽນທີ່ຈະເຂົ້າຮຽນໃນໂຮງງານຂອງລັດໃນເຂດເມືອງບໍ່ຈຳເປັນຕ້ອງແຕ່ງກາຍດ້ວຍຊຸດນັກຮຽນຕາມລະບຽບໃນແຕ່ລະເພດສະພາບພາຍໃຕ້ນະໂຍບາຍເຄື່ອງແບບນັກຮຽນທີ່ເປັນກາງທາງເພດ (Gender-neutral school uniforms).
ພ້ອມນີ້ ຍັງລະບຸອີກວ່າ “ຍຸກສະໄໝທີ່ເດັກຍິງຕ້ອງສວມໃສ່ກະໂປ່ງ ແລະ ເດັກຊາຍຕ້ອງໃສ່ໂສ້ງຂາຍາວມັນຜ່ານໄປແລ້ວ” ໂດຍນະໂຍບາຍດັ່ງກ່າວແມ່ນອະນຸຍາດໃຫ້ເດັກຊາຍສາມາດສວມກະໂປ່ງຊຶ່ງເປັນເຄື່ອງແບບຂອງນັກຮຽນຍິງໄດ້ ສ່ວນນັກຮຽນຍິງກໍສາມາດສວມໃສ່ໂສ້ງຂາຍາວຂອງນັກຮຽນຊາຍໄດ້ເຊັ່ນກັນ ທັງນີ້ ຖືເປັນສ່ວນໜຶ່ງຂອງການສ້າງຄວາມເທົ່າທຽມທາງເພດ ແລະ ເພື່ອໃຫ້ເດັກມີເສລີພາບໃນການເລືອກເພດດ້ວຍຕົນເອງ ແລະ ກ້າສະແດງອອກ.
ຂະນະທີ່ກະຊວງສຶກສາທິການເມັກຊິໂກກໍໄດ້ກ່າວຍ້ອງຍໍ ແລະ ພ້ອມທີ່ຈະໃຫ້ການສະໜັບສະໜູນໃຫ້ໜ່ວຍງານທ້ອງຖິ່ນຂອງລັດອື່ນໆໃນປະເທດດຳເນີນການໃນລັກສະນະດຽວກັນນີ້ຕາມສົມຄວນ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ:REUTERS/Margarito Perez-Retana