ສຳນັກຂ່າວພາຍໃນຂອງ ສປ ຈີນ ໄດ້ເຜີຍແຜ່ພາບຄວາມຄືບໜ້າໂຄງການກໍ່ສ້າງສະຖານີຜະລິດໄຟຟ້າພະລັງງານນ້ຳທີ່ມີຊື່ວ່າ “ອູຕົງເຕີ໋” ຢູ່ທາງຕາເວັນຕົກສຽງໃຕ້ລະຫວ່າງເຂດລູ່ຊຽນ ມົນທົນຢູນນານ ແລະ ຮຸ່ຍຕົງ ມົນທົນເສສວນ.
ລາຍງານຂ່າວດຽວກັນລະບຸຕື່ມວ່າ ສະຖານີຜະລິດໄຟຟ້າພະລັງງານນ້ຳແຫ່ງນີ້ເກີດຈາກເຂື່ອນກັ້ນກາງແມ່ນ້ຳຈິນຊາເບື້ອງເທິງຂອງແມ່ນ້ຳແຢງຊີກຽງ ຊຶ່ງກາຍເປັນອ່າງເກັບນ້ຳຂະໜາດໃຫຍ່ທີ່ສາມາດເກັບສຳຮອງນ້ຳໄດ້ປະມານ 7,4 ພັນລ້ານແມັດກ້ອນ.
ທັງນີ້ ສະຖານີອູຕົງເຕີ໋ຈະກາຍເປັນສະຖານີຜະລິດໄຟຟ້າພະລັງງານນ້ຳທີ່ສາມາດຜະລິດກະແສໄຟຟ້າໄດ້ປີລະ 3,89 ໝື່ນລ້ານກີໂລວັດໂມງ ຫຼັງຈາກໜ່ວຍຜະລິດໄຟຟ້າທັງໝົດ 12 ໜ່ວຍເຮັດວຽກຢ່າງສົມບູນ ແລະ ຄາດວ່າໜ່ວຍຜະລິດທຳອິດຈະສາມາດເດີນເຄື່ອງໄດ້ໃນເດືອນສິງຫາປີ 2020.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: sanook.com