ສຳນັກຂ່າວຕ່າງປະເທດລາຍງານໃນວັນທີ 6 ມິຖຸນາວ່າ ບໍລິສັດຮົວເຫວີຍໄດ້ລົງນາມຂໍ້ຕົກລົງຮ່ວມພັດທະນາເຄືອຂ່າຍ 5G ກັບບໍລິສັດຂອງຣັດເຊຍ ຂະນະທີ່ຜູ້ນຳຂອງທັງ 2 ຝ່າຍຈັດການປະຊຸມສຸດຍອດທີ່ນະຄອນຫຼວງມົສກູ.
ຮົວເຫວີຍຊຶ່ງເປັນບໍລິສັດໂທລະຄົມະນາຄົມຂະໜາດໃຫຍ່ທີ່ສຸດຂອງ ສປ ຈີນ ໄດ້ຮ່ວມເຊັນສັນຍາຂໍ້ຕົກລົງກັບບໍລິສັດ ເອັມທີເອສ (MTS) ຜູ້ໃຫ້ບໍລິການເຄືອຂ່າຍໂທລະສັບມືຖືລະດັບແຖວໜ້າຂອງຣັດເຊຍຢ່າງເປັນທາງການເມື່ອວັນທີ 5 ມິຖຸນາຜ່ານມາ ໂດຍມີຈຸດປະສົງຮ່ວມກັນພັດທະນາເຕັກໂນໂລຊີເຄືອຂ່າຍ 5G ໃນຣັດເຊຍ ຊຶ່ງຈະເລີ່ມການທົດສອບໃນປີນີ້ ແລະ ປີ 2020.
ທັງນີ້ ການລົງນາມດັ່ງກ່າວເກີດຂຶ້ນນອກຮອບການປະຊຸມສຸດຍອດລະຫວ່າງ ທ່ານ ສີ ຈິ້ນຜິງ ປະທານາທິບໍດີ ສປ ຈີນ ແລະ ທ່ານ ວະລາດິເມຍ ປູຕິນ ປະທານາທິບໍດີແຫ່ງ ຣັດເຊຍ ທີ່ນະຄອນຫຼວງມົສກູ ຊຶ່ງທັງສອງຝ່າຍຕົກລົງເຫັນດີວ່າຈະພັດທະນາຄວາມສຳ ພັນທາງການຄ້າແບບທະວິພາຄີ ໂດຍໃຊ້ເງິນຢວນ ແລະ ຣູເບິລ ແລະ ຈະບໍ່ໃຊ້ເງິນໂດລາຂອງອາເມຣິກາ.
ຂະນະທີ່ບໍລິສັດຮົວເຫວີຍຫາກໍ່ຖືກປະທານາທິບໍດີ ໂດນັລ ທຣັມ ແຫ່ງອາເມຣິກາສັ່ງໂຈະບໍ່ໃຫ້ຂາຍອຸປະກອນລ້ຳສະໄໝໃຫ້ກັບຮົວເຫວີຍໂດຍອ້າງວ່າເປັນໄພຕໍ່ຄວາມໝັ້ນຄົງ ແຕ່ລັດຖະບານຈີນກໍໄດ້ອອກມາຖະແຫຼງການວ່າເລື່ອງດັ່ງກ່າວບໍ່ແມ່ນຄວາມຈິງ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: thairath