spot_img
Homeຂ່າວພາຍ​ໃນບໍ່ແຮ່ຄຳເຊໂປນ ແລະ ຖ່ານຫີນວຽງພູຄາ ຖືກຢຸດ

ບໍ່ແຮ່ຄຳເຊໂປນ ແລະ ຖ່ານຫີນວຽງພູຄາ ຖືກຢຸດ

Published on

laopost

     ການລົງທຶນດ້ານກິດຈະການບໍ່ແຮ່ຂອງນັກລົງທຶນທັງພາຍໃນ ແລະ ຕ່າງປະ ເທດຢູ່ ສປປ ລາວ ມາຮອດປັດຈຸບັນມີບໍລິ ສັດ ທີ່ໄດ້ຮັບອະນຸຍາດ (ສັນຍາຂຸດຄົ້ນ) ຈຳນວນ 69 ບໍລິສັດ ປະກອບມີ 107 ກິດຈະການ, ມີເນື້ອທີ່ສຳປະທານທັງໝົດ 274, 663 ເຮັກຕາ ເຊິ່ງໄດ້ແບ່ງອອກເປັນ 2 ກຸ່ມ ຄືກຸ່ມທີ່ໄດ້ດຳເນີນ ກິດຈະ ການແລ້ວມີ 50 ບໍລິສັດ ແລະ ກຸ່ມທີ່ພວມ ກໍ່ສ້າງໂຮງ ງານ ແລະ ກຽມ ຂຸດຄົ້ນມີ 19 ບໍລິສັດ ໃນນັ້ນມີບາງໂຄງການໄດ້ສຳເລັດການກໍ່ສ້າງໂຮງງານ ແລະ ກະກຽມ ເຂົ້າສູ່ການຂຸດຄົ້ນ ເຊັ່ນ: ບໍລິສັດຫຸ້ນສ່ວນຫວຽດລາວຂຸດຄົ້ນກ່ຽວກັບແຮ່ຄຳຢູ່ ແຂວງອັດຕະປຶ, ບໍລິສັດຄຳເກີດແສນອຸດົມ ຈຳກັດ ຂຸດຄົ້ນແຮ່ຄຳ ຢູ່ແຂວງບໍ ລິຄຳໄຊ, ບໍລິສັດ ລາວລີ້ຕູ້ ມາຍນິ້ງ ຈຳກັດ ໄດ້ສຳເລັດການບຸກເບີກເຂດເນື້ອ ທີ່ສຳປະທານ ແລະ ຈະກ້າວເຂົ້າສູ່ການ ຂຸດຄົ້ນຢູ່ແຂວງວຽງຈັນ. ເຖິງແນວໃດກໍດີເພື່ອເຮັດໃຫ້ການຄຸ້ມຄອງກິດຈະການບໍ່ແຮ່ມີຄວາມຮັດກຸມ ແລະທັງເປັນການກະຕຸກຊຸກຍູ້ໃຫ້ບັນດາບໍລິສັດ ທີ່ມີສັນຍາແລ້ວຮີບຮ້ອນປະຕິບັດຕາມສັນຍາຈຶ່ງໄດ້ເຮັດການກວດກາປະເມີນ ຜົນບັນດາກິດຈະ ການ, ໂດຍໄດ້ນຳໃຊ້ 7 ຫລັກການພື້ນຖານເພື່ອຈັດແບ່ງປະເພດໂຄງການ, ເຊິ່ງມາປັດຈຸບັນສາມາດປະ ເມີນຜົນໄດ້ແລ້ວ 57 ບໍລິສັດ (ບໍ່ລວມໂຄງ ການເຊັນສັນຍາໃໝ່), ສ່ວນຍັງເຫລືອແມ່ນກຳລັງສືບຕໍ່ດຳເນີນກວດກາເພື່ອໃຫ້ ສຳເລັດຕາມແຜນການທີ່ວາງໄວ້.

 

ອີງຕາມບົດລາຍງານຂອງລັດຖະມົນຕີວ່າການກະຊວງພະລັງງານ ແລະ ບໍ່ແຮ່ ກ່ຽວກັບສະພາບການຜະລິດແຮ່ທາດຢູ່ ສປປ ລາວ ຕໍ່ທ່ານຮອງນາຍົກລັດຖະມົນຕີຜູ້ຊີ້ນຳວຽກງານເສດຖະກິດ ເມື່ອບໍ່ດົນມານີ້ວ່າ: ການຂະຫຍາຍຕົວຂອງຂະແໜງ ບໍ່ແຮ່ໃນສົກປີ 2011-2012 ເພີ້ມຂຶ້ນ 5,99%, ສົກປີ 2012-2013 ເພີ້ມ ຂຶ້ນ 7,98% ແລະ ສົກປີ 2013- 2014 ລວມ ຍອດມູນຄ່າການຜະລິດປະຕິບັດໄດ້ 18.653,9 ຕື້ກີບ ທຽບໃສ່ສົກປີ 2012-2013 ຫລຸດ ລົງ 3,38% ສາເຫດຫລັກແມ່ນ ຍ້ອນລາຄາແຮ່ທາດຂອງຕະຫລາດໂລກຕ່ຳໂດຍສະເພາະແຮ່ຄຳ, ໂປຕາສ, ແຮ່ທອງ ແລະ ອື່ນໆພ້ອມທັງໄດ້ຢຸດເຊົາການ ຂຸດ ຄົ້ນແຮ່ຄຳເຊໂປນ ແລະ ຖ່ານຫີນວຽງພູຄາ, ສ່ວນຜະລິດຕະພັນໃໝ່ທີ່ຈະກ້າວເຂົ້າສູ່ການຂຸດຄົ້ນກໍຍັງບໍ່ທັນມີ. ສຳລັບສົກປີ ຜ່ານການຜະລິດແຮ່ຄຳໄດ້ 30,01 ໂຕນ ທຽບໃສ່ສົກປີ 2012 – 2013 ປະລິມານການຜະລິດ ເພີ່ມຂຶ້ນຫລາຍກວ່າ 36,8% ແຕ່ ໃນດ້ານລາຄາແມ່ນຫລຸດລົງ 29,15%; ການຜະລິດທອງແຜ່ນ ເຊໂປນໄດ້ 87,02 ໂຕນ ຫລຸດລົງ 1,36% ໃນດ້ານ ລາຄາຫລຸດລົງ 10,65%; ທອງຝຸ່ນພູເບ້ຍຜະລິດ ໄດ້ 338.413 ໂຕນເພີ່ມຂຶ້ນ 12,76%, ແຕ່ດ້ານລາຄາແມ່ນເພີ່ມຂຶ້ນ 0,79%; ຖ່ານຫີນແອນຕາໄຊ ຂຸດຄົ້ນໄດ້ 125.894 ໂຕນ ຫລຸດລົງ 37,27% ແລະ ໂປຕາສ ຜະລິດໄດ້ 236.290 ໂຕນ ທຽບ ໃສ່ສົກປີ 2012-2013 ຫລຸດລົງ 61,3% ແລະ ແຮ່ທາດອື່ນໆ.

ຂ່າວຈາກ: ລາວພັດທະນາ http://laophatthananews.blogspot.com

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...