ລູກຈ້າງເກີດຄວາມຄັບແຄ້ນແໜ້ນໃຈທີ່ຖືກໄລ່ອອກຈາກວຽກ ຈຶ່ງກໍ່ເຫດຢ່າງໂຫດຮ້າຍດ້ວຍການຍິງອະດີດເພື່ອນຮ່ວມງານໃນສະຖານທີ່ລາຊະການໃນລັດເວີຈິເນຍ ສົ່ງຜົນໃຫ້ມີຄົນເສຍຊີວິດແລ້ວຢ່າງໜ້ອຍ 12 ລາຍ ແລະ ບາດເຈັບ 13 ຄົນ ໜຶ່ງໃນນັ້ນ ແມ່ນເຈົ້າໜ້າທີ່ຕຳຫຼວດ ຂະນະທີ່ຜູ້ກໍ່ເຫດໄດ້ປິດຊີວິດຕົນເອງພາຍຫຼັງກໍ່ເຫດ.
ເຫດການດັ່ງກ່າວຖືເປັນເຫດການທີ່ສະເທືອນຂວັນອີກເຫດການໜຶ່ງຊຶ່ງເກີດຂຶ້ນຢູ່ທີ່ສະຖາທີ່ລາຊະການລັດຖະບານອາເມຣິກາໃນເມືອງເວີຈິເນຍບິຊ ລັດເວີຈິເນຍ ທັງນີ້ ມືປືນທີ່ກໍ່ເຫດຢ່າງອົງອາດໃນຄັ້ງນີ້ເຄີຍເປັນລູກຈ້າງທີ່ເຮັດວຽກມາຫຼາຍປີ ແຕ່ກໍເກີດຄວາມຄັບແຄ້ນແໜ້ນໃຈເມື່ອມີລາຍງານວ່າຕົນເອງຖືກປົດ ແລະ ຖືກໄລ່ອອກຈາກບ່ອນເຮັດວຽກ.
ຂະນະທີ່ເພື່ອນຮ່ວມງານທີ່ລອດຊີວິດຈາກເຫດການດັ່ງກ່າວໄດ້ເປີດເຜີຍວ່າ ມືປືນໄດ້ກາດຍິງຢ່າງໂຫດຮ້າຍ ໂດຍໄລ່ຍິງໃສ່ພະນັກ ງານໃນແຕ່ລະຊັ້ນໃນຊ່ວງເວລາ 16:00 ໂມງ (ຕາມເວລາທ້ອງຖິ່ນ) ຂອງວັນທີ 31 ພຶດສະພາຜ່ານມາ ທັງນີ້ ພາຍຫຼັງທີ່ເຈົ້າ ໜ້າທີ່ໄດ້ຮັບແຈ້ງເຫດຮ້າຍກໍໄດ້ລະດົມເຈົ້າໜ້າທີ່ບຸກເຂົ້າຄວບຄຸມສະຖານະການ ແລະ ເຫດການກໍສະຫງົບລົງເມື່ອມືປືນໄດ້ປິດຊີບຕົນເອງ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: ໄທຣັດ