ສຳນັກຂ່າວຕ່າງປະເທດລາຍງານຈາກເມືອງເຊນບີວິນ ປະເທດສະຫະລັດອາເມລິກາ ເມື່ອວັນທີ່ 8ຕຸລາ 2014 ວ່າ ເກີດເຫດເດັກຍິງອາຍຸ 4ປີ ແຈກຈ່າຍເຮໂລອີນບັນຈຸຫໍ່ 249ຫໍ່ ຈ້ຳກຕາຄຳວ່າ “ສະແລມ” ນ້ຳໜັກຫໍ່ລະເກືອບ 4ກຣາມ ໃນກະເປົ໋ານັກຮຽນຂອງຕົນເອງ ໃຫ້ແກ່ເພື່ອນຮ່ວມຊັ້ນໃນ ສູນເບິ່ງແຍງເດັກຮິກຄໍລີ ທີ ໃນເມືອງເຊນບີວິນ ເມື່ອຊ່ວງເຊົ້າມື້ວັນຈັນ ເພາະເຂົ້າໃຈຜິດຄິດວ່າເປັນເຂົ້າໝົມອົມ ເບື້ອງຕົ້ນເຈົ້າຫນ້າທີ່ສົ່ງເດັກທຸກຄົົນທີ່ໄດ້ຮັບແຈກຫໍ່ເຮໂລອີນໄປຍັງໂຮງໝໍ ເພື່ອກວດຮ່າງກາຍ ແລະ ພົບວ່າຍັງບໍ່ມີເດັກຄົນໃດເປີດຫໍ່ບັນຈຸ ຫລື ນຳເຮໂລອີນເຂົ້າສູ່ຮ່າງກາຍ
ເຈົ້າຫນ້າທີ່ໄດ້ຈັບກຸມນາງແອດລີ ທູນ ອາຍຸ 30ປີ ແມ່ຂອງເດັກຍິງ ພ້ອມ ຕັ້ງຂໍ້ຫາໃນຄວາມຜິດກ່ຽວກັບການເຮັດໃຫ້ເດັກຕົກຢູ່ໃນອັນຕະລາຍ ແລະ ມີຢາເສບຕິດໃນຄອບຄອງ ໂດຍສານອະນຸຍາດໃຫ້ປະກັນດ້ວຍຫລັກຊັບ 6, 000 ດອນລາສະຫລັດ ອະລິ ເຊຍ ທູນ ນ້ອງສາວຂອງນາງແອດລີ ກ່າວວ່າ ການຕັ້ງຂໍ້ຫາດັ່ງກ່າວ ແລະ ການຖືກຈັບຕາເບີ່ງຈາກສື່ ເປັນສິ່ງທີ່ບໍ່ຍຸດຕິທຳຕໍ່ເອື້້ອຍຂອງນາງ ໂດຍເຫດເກີດຈາກກະເປົ໋ານັກຮຽນຂອງຫລານສາວນັ້ນຂາດ ແອດລີຈຶ່ງນຳອີກກະເປົາໜ່ວຍໄໝ່ມາປ່ຽນໃຫ້ ໂດຍ ທີ່ບໍ່ຮູ້ມາກ່ອນວ່າມີເຮໂລອີນຢູ່ໃນນັ້ນ ອະລິເຊຍ ຢືນຢັນວ່າເອື້ອຍຂອງນາງບໍ່ເຄີຍກ່ຽວຂ້ອງກັບຢາເສບຕິດ ແລະ ຕົກເປັນຄົນຮັບເຄາະຂອງຄົນຮ້າຍທີ່ນຳເຮໂລອີນມາເຊື່ອໃນເຮືອນຂອງນາງ ທັງນີ້ ດ້ວຍຂໍ້ຫາເຮັດໃຫ້ເດັກຕົກຢູ່ໃນອັນຕະລາຍ ສານຈຶ່ງມີຄຳສັ່ງຫ້າມແອດລີຕິດຕໍ່ກັບລູກທັງ 3 ຄົນຂອງນາງ ທີ່ມີອາຍຸລະຫວ່າງ 4-11 ປີ ໂດຍລະຫວ່າງນີ້ໃຫ້ເດັກຢູ່ໃນຄວາມເບິ່ງແຍງຂອງພີ່ນ້ອງ