spot_img
Homeຂ່າວທ້ອງຖິ່ນສວນວັດທະນະທຳຊຽງຄວນ ຈັດກິດຈະກຳສົ່ງເສີມວັນເດັກ

ສວນວັດທະນະທຳຊຽງຄວນ ຈັດກິດຈະກຳສົ່ງເສີມວັນເດັກ

Published on

ເມື່ອວັນທີ 31 ພຶດສະພາຜ່ານມາ ທີ່ສວນວັດທະນະທຳຊຽງຄວນໄດ້ຈັດພິທີສະເຫຼີມສະຫຼອງວັນເດັກນ້ອຍສາກົນປະຈຳປີ 2019 ຢ່າງຄຶກຄື້ນ ໂດຍການໃຫ້ກຽດເຂົ້າຮ່ວມຂອງ ທ່ານ ວົງເດືອນ ບຸນຍະແສງ ເລຂາພັກເມືອງ ເຈົ້າເມືອງໆຫາດຊາຍຟອງ ພ້ອມຄະນະ ທ່ານ ນາງ ສ້ອຍສຸດາ ອິນເມືອງໄຊ ປະທານສວນວັດທະນະທຳຊຽງຄວັນ ມີອຳນາດການປົກຄອງ ມີແຂກຖືກເຊີນ ແລະ ບັນດາຄູ-ອານ ພ້ອມດ້ວຍນ້ອງໆນັກຮຽນເຂົ້າຮ່ວມຢ່າງຫຼວງຫຼາຍ.

ໂອກາດດັ່ງກ່າວ ທ່ານເຈົ້າເມືອງໄດ້ຂຶ້ນກ່າວຈຸດປະສົງຂອງການຈັດງານໃນຄັ້ງນີ້ຊຶ່ງທ່ານໄດ້ກ່າວວ່າ ເພື່ອເປັນການເຜີຍແຜ່ປະຫວັດຄວາມເປັນມາຂອງວັນເດັກນ້ອຍສາກົນ (1 ມິຖຸນາ) ທັງເປັນການສະເຫຼີມສະຫຼອງວັນປູກຕົ້ນໄມ້ແຫ່ງຊາດ ເພື່ອສ້າງກິດຈະກຳໃຫ້ ເດັກມີຄວາມກ້າສະແດງອອກ ທັງເປັນການປູກຈິດສຳນຶກຂອງເດັກໃຫ້ຮັບຮູ້ ແລະ ເຂົ້າໃຈເຖິງຄວາມໝາຍຄວາມສຳຄັນ ແລະ ເຂົ້າໃຈເຖິງຄຳວ່າ 3 ລັກສະນະຊຶ່ງປະກອບມີ ລັກສະນະຊາດ ລັກສະນະວິທະຍາສາດ ແລະ ລັກສະນະມະຫາຊົນ ພ້ອມທັງ 5 ຫຼັກມູນການສຶກສາຄື ປັນຍາສຶກສາ ຄຸນສົມບັດສຶກສາ ສິລະປະສຶກສາ ແຮງງານສຶກສາ ແລະ ພາລະສຶກສາ.

ສຳລັບກິດຈະກຳໃນຄັ້ງນີ້ປະກອບມີຫຼາກຫຼາຍກິດຈະກຳ ບໍ່ວ່າຈະເປັນການແຂ່ງກີລາ ຮ້ອງເພງ ຟ້ອນສິລະປະ ເດີນແບບ ແລະ ຖາມ-ຕອບວິທະຍາສາດ ຈາກບັນດານ້ອງໆນັກຮຽນທີ່ເຂົ້າຮ່ວມທັງໝົດ 8 ໂຮງຮຽນ.

 

ຂ່າວ: ສະຫະລັດ ວອນທິວົງໄຊ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...