spot_img
Homeຂ່າວຕ່າງປະເທດຜູ້ນຳຟີລິປິນ ອະນຸຍາດໃຫ້ປະມູນເຄື່ອງເພັດຂອງຄອບຄົວ ມາຣກອສ

ຜູ້ນຳຟີລິປິນ ອະນຸຍາດໃຫ້ປະມູນເຄື່ອງເພັດຂອງຄອບຄົວ ມາຣກອສ

Published on

ທ່ານ ໂຣດຣິໂກ ດູແຕຣເຕ ຜູ້ນຳຟີລິບປິນ ອະນຸຍາດໃຫ້ເປີດປະມູນເຄື່ອງປະດັບ ແລະ ອັນຍະມະນີຂອງ ນາງ ອິເມລດາ ມາຣກອສ ພັນລະຍາຂອງ ທ່ານ ເຟີຣດິນານ ມາຣກອສ ອະດີດປະທານາທິບໍດີຂອງຟີລິບປິນ.

ລາຍງານຂ່າວຕ່າງປະເທດເມື່ອວັນທີ 31 ພຶດສະພາໃຫ້ຮູ້ວ່າ ຊຸດເຄື່ອງປະດັບທີ່ຈະນຳມາປະມູນໃນຄັ້ງນີ້ເປັນ 1 ໃນ 3 ຊຸດທີ່ຢຶດໄດ້ລະຫວ່າງທີ່ ນາງ ອິເມລດາ ເດີນທາງຕາມສາມີເພື່ອລີ້ໄພໃນລັດຮາວາຍ ສະຫະລັດອາເມຣິກາເມື່ອປີ 1986 ຊຶ່ງຄາດວ່າຈະມີມູນຄ່າຫຼາຍກວ່າ 700 ລ້ານເປໂຊ (ສະກຸນເງິນຟີລິບປິນ)  ຂະນະທີ່ ທ່ານ ຊັລວາດໍຣ ປາເນໂລ ໂຄສົກປະທານາທິບໍດີຟີລິບປິນກໍໄດ້ລະບຸວ່າ ໄດ້ສອບຖາມໄປຍັງຜູ້ນຳປະເທດວ່າຈະອະນຸຍາດໃຫ້ປະມູນເຄື່ອງປະດັບຂອງ ນາງ ອິເມລດາ ຫຼື ບໍ່? ຊຶ່ງທ່ານ ດູແຕຣເຕ ກໍໄດ້ຕອບຢ່າງຊັດເຈນວ່າ  “ໄດ້” ເພື່ອນຳເງິນທີ່ໄດ້ຈາກການປະມູນໄປນຳໃຊ້ໃຫ້ເກີດປະໂຫຍດສູງສຸດແກ່ປະຊາຊົນພາຍໃນປະເທດ.

ຊຶ່ງກ່ອນໜ້ານີ້ເມື່ອປີ 2015 ກະຊວງການເງິນຂອງຟີລິບປິນກໍໄດ້ນຳຊັບສິນຂອງຄອບຄົວ ທ່ານ ມາຣກອສ ແລະ ເຄື່ອງເພັດຂອງ ນາງ ອິເມລດາ ມູນຄ່າຫຼາຍກວ່າ 838 ລ້ານເປໂຊອອກມາປະມູນເພື່ອນຳລາຍໄດ້ເຂົ້າປະເທດ ແລະ ເພື່ອປ້ອງກັນທາຍາດຂອງອະດີດຜູ້ນຳຈະທວງຄືນສົມບັດ ເນື່ອງຈາກໃນປີດຽວກັນ ທ່ານ ເຟີຣດິນານ ມາຣກອສ ຈູເນຍ ລູກຊາຍຄົນດຽວຂອງຄອບຄົວໄດ້ລົງສະໝັກເລືອກຕັ້ງໃນຕຳແໜ່ງຮອງປະທານາທິບໍດີ ແຕ່ກໍເສຍໄຊໃຫ້ແກ່ພັກຂອງ ທ່ານ ດູແຕຣເຕ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: khaosod

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...