spot_img
Homeຂ່າວຕ່າງປະເທດແມັກເຄນຊີ ຈະບໍລິຈາກຊັບສິນເຄິ່ງໜຶ່ງໃຫ້ການກຸສົນ

ແມັກເຄນຊີ ຈະບໍລິຈາກຊັບສິນເຄິ່ງໜຶ່ງໃຫ້ການກຸສົນ

Published on

ແມັກເຄນຊີ ເບຊອສ ອະດີດພັນລະຍາຂອງ ເຈຟ ເບຊອສ ຊີອີໂອຂອງບໍລິສັດອາເມຊອນ ໄດ້ອອກມາຖະແຫຼງວ່າ ນາງຈະບໍລິຈາກຊັບສິນສ່ວນຕົວຂອງນາງເຄິ່ງໜຶ່ງໃຫ້ແກ່ການກຸສົນ.

ສຳນັກຂ່າວຕ່າງປະເທດລາຍງານເມື່ອວັນທີ 28 ພຶດສະພາຜ່ານມາວ່າ ນາງ ແມັກເຄນຊີ ບາຊອສ ກາຍເປັນມະຫາເສດຖີຄົນຫຼ້າສຸດທີ່ອອກມາຮ່ວມແຄມເປນ ກີຟວິງ ເພລັດ (Giving Pledge)  ຫຼື ການໃຫ້ຄຳສັນຍາຕໍ່ສາທາລະນະວ່າ ຈະບໍລິຈາກຊັບສິນສ່ວນຕົວເຄິ່ງໜຶ່ງໃຫ້ແກ່ການກຸສົນຊຶ່ງມີເກືອບ 3,7 ໝື່ນລ້ານໂດລາ.

ແຄມເປນ Giving Pledge ເກີດຂຶ້ນເມື່ອປີ 2010 ທີ່ເລີ່ມໂດຍ ທ່ານ ວໍຣເຣນ ບັຟເຟຕ ແລະ ບິລ ເກຕສ 2 ມະຫາເສດຖີອັນດັບຕົ້ນໆຂອງໂລກ ແລະ ໃນປັດຈຸບັນມີເສດຖີເຂົ້າຮ່ວມເປັນສະມາຊິກແຄມເປນດ່ັງກ່າວເຖິງ 204 ຄົນ ຂະນະທີ່ຄອບຄົວຂອງ ມາຣກ ຊັກເຄີຣເບີຣກ ກໍໄດ້ອອກມາໃຫ້ຄຳສັນຍາວ່າຈະບໍລິຈາກຫຸ້ນຂອງເຟສບຸ໊ກທີ່ຖືຄອງຢູ່ເຖິງ 99%.

ສ່ວນທ່ານ ເຈຟ ເບຊອສ ຊີອີໂອຂອງອາເມຊອນ ມະຫາເສດຖີອັນດັບ 1 ຂອງໂລກ ຍັງບໍ່ໄດ້ເຂົ້າຮ່ວມໃນແຄມເປນນີ້ ແຕ່ເມື່ອປີກ່ອນ ເຈຟ ໄດ້ບໍລິຈາກເງິນ 2 ພັນລ້ານໂດລາເພື່ອຊ່ວຍຄົນຈອນຈັດ (ບໍ່ມີທີ່ຢູ່) ແລະ ຕັ້ງເຄືອຂ່າຍໂຮງຮຽນໃໝ່.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: AFP

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...