ເຈົ້າໜ້າທີ່ຕຳຫຼວດສາມາດຊ່ວຍຊີວິດ “ຄູຮາຣາ” ເນັດໄອດອລສາວຊື່ດັງຈາກ ສ.ເກົາຫຼີ ສະມາຊິກວົງ KARA ຂະນະທີ່ນາງພະຍາຍາມຈູດໄຟຮົມຄວັນຕົນເອງໃນຫ້ອງພັກ ແລະ ໄດ້ໂພສຂໍ້ຄວາມຜ່ານໂຊຊຽວດ້ວຍຄຳເວົ້າໃນລັກສະນະບອກລາ!.
ສຳນັກຂ່າວຊື່ດັງຂອງ ສ.ເກົາຫຼີ ໄດ້ລາຍງານວ່າ ຕຳຫຼວດໃນເຂດກັງນັມໄດ້ບຸກະເຂົ້າຊ່ວຍເຫຼືອ ຄູຮາຣາ ໄວ້ໄດ້ໃນເວລາປະມານທ່ຽງຄືນ (ຕາມເວລາທ້ອງຖິ່ນ) ຊຶ່ງພົບວ່າ ມີກິ່ນຄວັນໃນຫ້ອງພັກແຕ່ຍັງບໍ່ເຖິງຂັ້ນອັນຕະລາຍເຖິງຊີວິດ ຂະນະທີ່ກ່ອນໜ້ານັ້ນນາງກໍໄດ້ໂພສຂໍ້ຄວາມສັ້ນໆວ່າ “ລາກ່ອນ” ລົງໃນອິນສະຕາແກຣມສ່ວນຕົວກ່ອນທີ່ນາງຈະລົບຂໍ້ຄວາມໃນນັ້ນຖິ້ມໃນເວລາຕໍ່ມາ.
ຂະນະທີ່ຍັງບໍ່ມີລາຍງານຄວາມຄືບໜ້າກ່ຽວກັບເລື່ອງລາວທີ່ເກີດຂຶ້ນ ທັງນີ້ ຄູຮາຣາ ເຄີຍມີເລື່ອງລາວເຂົ້າແຈ້ງຄວາມຕໍ່ເຈົ້າໜ້າທີ່ເນື່ອງຈາກຖືກຄົນຮັກທຳຮ້າຍຮ່າງກາຍ ແລະ ຂູ່ຈະປ່ອຍຄລິບວິດິໂອສ່ວນຕົວເມື່ອຊ່ວງຕົ້ນປີຜ່ານມາ ແຕ່ນາງກໍຖືກຄົນຮັກຂອງນາງຟ້ອງກັບເຊັ່ນກັນ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: DSP Media (KARA)