spot_img
Homeຂ່າວຕ່າງປະເທດນະຄອນວໍຊິງຕັນເປັນລັດທຳອິດທີ່ຍ່ອຍສະຫຼາຍສົບຄົນຕາຍກາຍເປັນປຸ໋ຍ

ນະຄອນວໍຊິງຕັນເປັນລັດທຳອິດທີ່ຍ່ອຍສະຫຼາຍສົບຄົນຕາຍກາຍເປັນປຸ໋ຍ

Published on

ສຳນັກຂ່າວຕ່າງປະເທດລາຍງານເມື່ອວັນທີ 23 ພຶດສະພາຜ່ານມາວ່າ ວໍຊິງຕັນກາຍເປັນລັດທຳອິດຂອງອາເມຣິກາທີ່ຜ່ານກົດ ໝາຍອະນຸຍາດໃຫ້ນຳຮ່າງຜູ້ເສຍຊີວິດຍ່ອຍສະຫຼາຍເປັນປຸ໋ຍ ພາຍຫຼັງທີ່ ທ່ານ ນາງ ແຄັດທຣີນາ ສະເປດ ເຈົ້າແຂວງໄດ້ສະເໜີນະໂຍບາຍເປັນມິດກັບສິ່ງແວດລ້ອມ ແລະ ໄດ້ລົງນາມຮັບຮອງເປັນທີ່ຮຽບຮ້ອຍ ຊຶ່ງຈະມີຜົນບັງຄັບໃຊ້ຢ່າງເປັນທາງການໃນເດືອນພຶດສະພາ 2020 ທັງນີ້ ກໍເພື່ອຫຼຸດການປ່ອຍແກ໊ສກາກບອນຈາກການເຜົາສົບ ແລະ ການຝັງສົບ.

ທ່ານ ນາງ ແຄັດເທຣີນາ ກ່າວຕື່ມວ່າ ສຳລັບຂະບວນການຍ່ອຍສະຫຼາຍຮ່າງໄຮ້ວິນຍານຂອງມະນຸດໃຫ້ກາຍເປັນປຸ໋ຍມີມາເກືອບ 10 ປີແລ້ວ ຊຶ່ງໄດ້ພັດທະນາຮ່ວມກັບມະຫາວິທະຍາໄລໃນລັດວໍຊິງຕັນ ໂດຍການທົດລອງທາງການແພດກັບຮ່າງຜູ້ບໍລິຈາກລົງຕູ້ເຫຼັກທີ່ມີລັກສະນະ 6 ຫຼ່ຽມ ໃນນັ້ນ ປະກອບມີແຜ່ນເສດໄມ້ອັລຟັນຟາ ພືດຕະກູນຖົ່ວ ແລະ ເສັ້ນຟາງ ຫຼັງຈາກນັ້ນກໍປິດຕູ້ຢ່າງມິດຊິດເພື່ອໃຫ້ຈຸລິນຊີຍ່ອຍສະຫຼາຍຮ່າງໄຮ້ວິນຍານເປັນເວລາ 30 ວັນຈົນແຫ້ງເປັນດິນທີ່ອຸດົມດ້ວຍສານອາຫານທີ່ເໝາະສຳລັບເປັນປຸ໋ຍພືດສຳລັບພືດຜັກສວນຄົວ.

ສຳລັບນະວັດຕະກຳດັ່ງກ່າວເອີ້ນວ່າ ພິທີຝັງສົບທີ່ເປັນມິດກັບສິ່ງແວດລ້ອມ ຊຶ່ງພວມໄດ້ຮັບຄວາມນິຍົມໃນອາເມຣິກາ ໂດຍມີຫຼາຍບໍລິສັດສະເໜີໂລງສົບອໍຣແກນນິກ ຫຼື ຝັງສົບດ້ວຍຜ້າຫໍ່ສົບ ທັງນີ້ ເຄີຍມີດາຣາຊີຣີຊື່ດັງທີ່ເສຍຊີວິດກໍໄດ້ແຈ້ງເຈດຈຳນົງໃຫ້ນຳສົບຕົນເອງໄປຝັງດ້ວຍໂລງສົບຍ່ອຍສະຫຼາຍ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: ໄທຣັດ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...