ການເລືອກຕັ້ງສະມາຊິກສະພາເອີຣົບຊຶ່ງຈະຈັດຂຶ້ນໃນລະຫວ່າງວັນທີ 23-26 ພຶດສະພາ 2019 ນີ້ ຖືເປັນການເລືອກຕັ້ງຄັ້ງທີ 9 ນັບແຕ່ປີ 1979 ໂດຍທີ່ນັ່ງຂອງສະມາຊິກໃນລັດຖະສະພາເອີຣົບ 715 ບ່ອນນັ່ງມາຈາກຜູ້ແທນຊາດສະມສາຊິກສະພາເອີຣົບ 28 ປະເທດ ຈຳນວນປະຊາກອນລວມປະມານ 512 ລ້ານຄົນ ສ່ວນສະມາຊິກສະພາເອີຣົບກ່ອນການເລືອກຕັ້ງຄັ້ງນີ້ ພັກຈາກປະເທດເຟຍລະມັນມີສະມາຊິກສະພາເຖິງ 217 ບ່ອນນັ່ງ ແລະ ພັກປະສົມຈາກເນເທີແລນກັບພັກສາາລະນະລັດເຊັກມີ 76 ບ່ອນນັ່ງ ຂະນະທີ່ພັກຈາກແບນຊິກມີ 68 ບ່ອນນ່ັງ ພັກຈາກສະໂລວີເນຍມີ 52 ບ່ອນນັ່ງ ແລະ ພັກປະສົມຈາກເນເທີແລນ ແລະ ເຢຍລະມັນມີ 52 ບ່ອນນັ່ງ.
ຂະນະທີ່ບັນຫາທ້າທາຍຂອງຊາດສະມາຊິກສະພາເອີຣົບທີ່ຍັງຄົງເປັນປະເດັນເຄ່ັງຕຶງກໍຄື ເລື່ອງອຸດສາຫະກຳ ຊຶ່ງການເລັ່ງຫຼຸດຊ່ອງຫວ່າງຄວາມທຸກຍາກລະຫວ່າງຊາດສະມາຊິກ ລວມເຖິງບັນຫາການບິດເບືອນຂໍ້ມູນ-ຂ່າວສານ ບັນຫາການຫວ່າງງານ ແລະ ບັນຫາ ດ້ານນະໂຍບາຍປະຊານິຍົມ ນອກເໜືອຈາກການຮ່ວມມືແກ້ໄຂບັນຫາໂລກຮ້ອນ ບັນຫາເລື່ອງການໃຊ້ຖ່ານຫີນ ແລະ ອີກບັນຫາສຳຄັນກໍຄື ເບຣັກຊິດ ຫຼື ສະຫະຣາຊະອານາຈັກຖອນຕົວອອກຈາກສະມາຊິກສະພາເອີຣົບ ສ່ວນຄວາມເຄື່ອນໄຫວຂອງຫຼາຍປະເທດລວມເຖິງເກຣັກກໍສະແດງທ່າທີຕ້ອງການໃຫ້ສະຫະພາບເອີຣົບຊ່ວຍແກ້ໄຂບັນຫາເລື່ອງໜີ້ສິນໃຫ້ແກ່ຊາດສະມາຊິກ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: ໄທຣັດ