spot_img
Homeຂ່າວຕ່າງປະເທດກູເກິລກຽມປະຕິບັດນະໂຍບາຍຂອງ ທຣັມ ເພື່ອຄວາມປອດໄພດ້ານເຕັກໂນໂລຊີ

ກູເກິລກຽມປະຕິບັດນະໂຍບາຍຂອງ ທຣັມ ເພື່ອຄວາມປອດໄພດ້ານເຕັກໂນໂລຊີ

Published on

ສຳນັກຂ່າວຕ່າງປະເທດລາຍງານຈາກນະຄອນຫຼວງວໍຊິງຕັນ ສະຫະລັດອາເມຣິກາເມື່ອວັນທີ 19 ພຶດສະພາຜ່ານມາຊຶ່ງໄດ້ລະບຸວ່າ ບໍລິສັດອັລຟາເບດຊຶ່ງເປັນບໍລິສັດແມ່ຂອງກູເກິລ ພວມພິຈາລະນາກຽມປະຕິບັດຕາມຄຳສັ່ງຂອງ ທ່ານ ໂດນັລ ທຣັມ ທີ່ມີເນື້ອໃນວ່າ ສະຫະລັດພວມຜະເຊີນກັບສະຖານະການສຸກເສີນດ້ານເຕັກໂນໂລຊີ ດັ່ງນັ້ນ ຈິ່ງຕ້ອງເພີ່ມຄວາມເຂັ້ມງວດໃນກໍລະນີຜູ້ປະກອບການໃນອາເມຣິກາມີຈຸດປະສົງຂໍໃບອະນຸຍາດເພື່ອເຮັດທຸລະກຳ ຫຼື ຄ້າຂາຍກັບບໍລິສັດກ່ຽວກັບເຕັກໂນໂລຊີຂອງຕ່າງປະເທດຊຶ່ງບໍ່ ໄດ້ລະບຸຊື່ ແຕ່ບັນດານັກວິເຄາະກໍຊີ້ເປົ້າໄປຍັງບໍລິສັດຮົວເຫວີຍຂອງ ສປ ຈີນ.

ຢ່າງໃດກໍຕາມ ແຫຼ່ງຂ່າວໃນກູເກິລກໍໄດ້ເປີດເຜີຍກັບສື່ຫຼາຍສຳນັກພາຍໃນອາເມຣິກາວ່າ ບໍລິສັດກູເກິລຕັດສິນໃຈໂຈະຄວາມຮ່ວມມືບາງສ່ວນກັບຮົວເຫວີຍ ຊຶ່ງນັ້ນກໍໝາຍເຖິງສະມາດໂຟນ ແລະ ແທັບເລັດລຸ້ນໃໝ່ຂອງຮົວເຫວີຍຈະບໍ່ສາມາດອັບເດດແອັບພລີເຄເຊິນສຳຄັນເທິງລະບົບປະຕິບັດການແອນດຣອຍ ຊຶ່ງສ່ວນໃຫຍ່ເປັນແອັບພລີເຄເຊິນຂອງກູເກິລ ບໍ່ວ່າຈະເປັນຢູທູບ ຈີເມລ ແຜນທີ່ ແລະ ອື່ນໆ ແຕ່ສິນຄ້າຂອງຮົວເຫວີຍຈະຍັງສາມາດຮອງຮັບແອັບພລີເຄເຊິນອື່ນໆເທິງແອນດຣອຍ ແລະ ມີການອັບເດດເມື່ອຮອດເວລາໄດ້ຕາມປົກກະຕິ.

ມາດຕາການຜ່ອນຜັນໃຫ້ແກ່ບໍລິສັດຮົວເຫວີຍມີເວລາ 90 ວັນນັບແຕ່ມື້ອອກແຈ້ງການເພື່ອບໍ່ໃຫ້ກະທົບກັບບໍລິສັດ ໂດຍສະເພາະໃນພື້ນທີ່ຫ່າງໄກໃນລັດທີ່ມີປະຊາກອນອາໄສຢູ່ໜ້ອຍເຊັ່ນ ລັດອໍຣິກອນ ແລະ ລັດໄວໂອມິງ ຊຶ່ງມາດຕາການຈະລວມເຖິງການອະນຸ ຍາດໃຫ້ຮົວເຫວີຍຊື້ສິນຄ້າ ແລະ ບໍລິການຂອງອາເມຣິກາໄດ້ເພື່ອບໍ່ໃຫ້ລູກຄ້າຂອງຮົວເຫວີຍໃນອາເມຣິກາໄດ້ຮັບຜົນກະທົບ ແຕ່ ວ່າມາດຕາການຜ່ອນຜັນດັ່ງກ່າວຈະມີຜົນຄວບຄຸມເຖິງໂຄງການໃນອະນາຄົດ ແຕ່ຄວາມເຄື່ອນໄຫວໃນສ່ວນຂອງກູເກິລຊຶ່ງຖ້າຫາກປະຕິບັດຈິງກໍຈະສົ່ງຜົນກະທົບຢ່າງໜັກຕໍ່ທຸລະກິດຂອງຮົວເຫວີຍ ທັງນີ້ ບໍລິສັດຮົວເຫວີຍກໍຍັງບໍ່ທັນໄດ້ອອກມາສະແດງຄວາມຄິດເຫັນຢ່າງເປັນທາງການຕໍ່ກໍລະນີດັ່ງກ່າວ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: AP

ບົດຄວາມຫຼ້າສຸດ

7 ວັນອັນຕະລາຍ ໃນໄລຍະບຸນປີໃໝ່ເກີດອຸບັດຕິເຫດທົ່ວປະເທດ 313 ຄັ້ງ ເສຍຊີວິດທັງໝົດ 26 ຄົນ

ເສຍຊີວິດ 26 ຄົນ ຈາກອຸບັດຕິເຫດທີ່ເກີດຂຶ້ນທົ່ວປະເທດ 313 ຄັ້ງ ໃນໄລຍະບຸນປີໃໝ່ລາວ 2025. ພັອ ແກ້ວມາລາ ແສງທອງ ຮອງຫົວໜ້າກົມຕຳຫຼວດຈະລາຈອນ ກົມໃຫຍ່ຕໍາຫຼວດ ກະຊວງປ້ອງກັນຄວາມສະຫງົບ ໄດ້ຖະແຫຼງຕໍ່ສື່ມວນຊົນ...

ໜຸ່ມອາເມລິກາ ກໍ່ເຫດໃຊ້ມີດຈີ້ນັກບິນຂັບເຮືອບບິນນ້ອຍ ໃຫ້ອອກນອກປະເທດເບລິສ ສຸດທ້າຍຖືກຍິງເສຍຊີວິດ

ໜຸ່ມອາເມລິກາ ກໍ່ເຫດໃຊ້ມີດຈີ້ນັກບິນຂັບເຮືອບບິນນ້ອຍ ສາຍການບິນ Tropic Air ໃນປະເທດເບລິສ. ສຳນັກຂ່າວຕ່າງປະເທດລາຍງານເຫດລະທຶກຂວັນ! ໜຸ່ມອາເມລິກາ ກໍ່ເຫດໃຊ້ມີດຈີ້ນັກບິນຂັບເຮືອບບິນນ້ອຍ ສາຍການບິນ Tropic Air ໃນປະເທດເບລິສ ເມື່ອວັນພະຫັດ ທີ...

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ TECNO CAMON 40 Pro ສະມາດໂຟນ...

ລວມພາບບັນຍາກາດສຸດຮ້ອນແຮງຈາກ Mistine ມາຝາກ

ພາບບັນຍາກາດສຸດມ່ວນຈາກ Mistine ໃນເທດສະການປີໃໝ່ລາວ 2025. Mistine ແບຣນເຄື່ອງສຳອາງດຽວທີ່ມາແຈກຄວາມມ່ວນ ຄວາມມັນໃຫ້ທຸກຄົນໃນເທດສະການປີໃໝ່ລາວ 2025 ເພາະໃນບູດມີແຈກຄີມກັນແດດ ແລະ ລິບສະຕິກຟຣີ!! ພ້ອມກັບຈຸດເຕີມນ້ຳ ແລະ DJ ເປີດເພງໃຫ້ໄດ້ເຕັ້ນຈົນລືມຮ້ອນບອກເລີຍວ່າເຖິງຈະບໍ່ມີເຄື່ອງດື່ມ...