ສຳນັກຂ່າວຕ່າງປະເທດໄດ້ລາຍງານເມື່ອວັນທີ 15 ພຶດສະພາຜ່ານມາ ໂດຍອ້າງການເປີດເຜີຍຂອງ ນາງສາວ ມິຣາ ອະຊາຢາ ເຈົ້າໜ້າທີ່ການທ່ອງທ່ຽວຂອງເນປາລຊຶ່ງລະບຸວ່າ ຄາມິ ຣິຕາ ເຊີຣປາ ຄົນນຳທາງຊາວພື້ນເມືອງຈາກໝູ່ບ້ານທາມິ ຊຶ່ງຕັ້ງຢູ່ຕີນພູ ເອເວີຣເຣສ ກາຍເປັນບຸກຄົນທີ່ປີນຂຶ້ນສູ່ຍອດພູທີ່ສູງທີ່ສຸດ (8.850 ແມັດ) ເປັນຄັ້ງທີ 23 ຊຶ່ງຖືເປັນສະຖິຕິໃໝ່.
ທັງນີ້ ເຊີຣປາ ໄດ້ກ່າວວ່າ ປັດຈຸບັນ ສະພາບຮ່າງກາຍຂອງຕົນຍັງແຂງແຮງ ແລະ ຕົນເອງກໍມີເປົ້າໝາຍທີ່ຈະປີນຂຶ້ນພູທີ່ສູງທີ່ສຸດໃນໂລກໜ່ວຍນີ້ໃຫ້ໄດ້ຢ່າງໜ້ອຍ 25 ຄັ້ງ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: AP, AFP