ເກີດອຸບັດເຫດເຮືອບິນຂະໜາດນ້ອຍ 2 ລຳ ຊຶ່ງເປັນເຮືອບິນຮັບ-ສົ່ງນັກທ່ອງທ່ຽວໄປ-ກັບເຮືອສຳລານຕຳກັນກາງອາກາດຢູ່ເຂດນອກແຄມຝັ່ງລັດອະລາສກາ ສະຫະລັດອາເມຣິກາ.
ລາຍງານຂ່າວຕ່າງປະເທດໄດ້ລາຍງານເມື່ອວັນທີ 14 ພຶດສະພາຜ່ານມາວ່າ ເຮືອບິນນ້ອຍ 2 ລຳ ຊຶ່ງມີຜູ້ໂດຍສານລວມກັບນັກບິນທັງໝົດ 16 ຄົນ ໄດ້ເກີດອຸບັດເຫດຕຳກັນກາງອາກາດ ຊຶ່ງເຫດການດ່ັ່ງກ່າວເກີດຂຶ້ນເມື່ອເວລາປະມານ 13:00 ໂມງ (ຕາມເວລາທ້ອງຖິ່ນ) ຂະນະທີ່ເຮືອບິນທັງສອງລຳພວມນຳສົ່ງນັກທ່ອງທ່ຽວໄປ-ກັບລະຫວ່າງເຮືອສຳລານ ຣໍຢັລ ພຣິນເຊສ.
ເຫດການດັ່ງກ່າວເຮັດໃຫ້ມີຜູ້ເສຍຊີວິດ 5 ລາຍ ສູນຫາຍ 1 ຄົນ ສ່ວນອີກ 10 ຄົນໄດ້ຮັບບາດເຈັບ ຊຶ່ງ 1 ໃນຜູ້ເສຍຊີວິດແມ່ນ ນັກບິນ ແລະ ອີກ 4 ລາຍແມ່ນນັກທ່ອງທ່ຽວ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: ໄທຣັດ