spot_img
Homeຂ່າວຕ່າງປະເທດຫິມະຖະຫຼົ່ມທັບເສັ້ນທາງ ງົວປ່າຂົນຍາວສັງເວີຍແລ້ວຢ່າງໜ້ອຍ 300 ໂຕ

ຫິມະຖະຫຼົ່ມທັບເສັ້ນທາງ ງົວປ່າຂົນຍາວສັງເວີຍແລ້ວຢ່າງໜ້ອຍ 300 ໂຕ

Published on

ສຳນັກຂ່າວຕ່າງປະເທດໄດ້ລາຍງານເມື່ອວັນທີ 12 ພຶດສະພາ 2019 ວ່າ ເກີດເຫດຫິມະເທິງພູເຂົາຫິມາໄລຖະຫຼົ່ມທັບເສັ້ນທາງອັນເປັນສາເຫດໃຫ້ງົວປ່າຂົນຍາວ (Yak) ໃນເຂດລັດສິກຂິມ ທາງພາກເໜືອຂອງປະເທດອິນເດຍຕ້ອງພົບກັບຊະຕາກຳທີ່ໂຫດ ຮ້າຍ ໃນນັ້ນ ມີງົວປ່າຂົນຍາວທີ່ສັງເວີຍຊີວິດເນື່ອງຈາກຂາດອາຫານແລ້ວຢ່າງໜ້ອຍ 300 ໂຕ.

ຂະນະທີ່ເຈົ້າໜ້າທີ່ທ້ອງຖິ່ນກໍໄດ້ກ່າວວ່າ ຄະນະເຈົ້າໜ້າທີ່ ແລະ ສະຕະວະແພດໄດ້ເດີນທາງໄປເຖິງເຂດພູມູກູທັງ ແລະ ພູເຂົາຢຸມທັງ ກໍໄດ້ພົບຊາກສົບຂອງງົວປ່າຂົນຍາວຢູ່ທີ່ທົ່ວບໍລິເວນດ່ັ່ງກ່າວ ທັງນີ້ ເຈົ້າໜ້າທີ່ກ່ຽວຂ້ອງຂອງອິນເດຍກໍໄດ້ຮັບໂທລະສັບຮ້ອງທຸກຈາກປະຊາຊົນທີ່ອາໄສຢູ່ໃນໝູ່ບ້ານດັ່ງກ່າວທີ່ມີປະຊາກອນ 50 ຄົນອາໄສຢູ່ເປັນຄັ້ງທຳອິດ ຫຼັງຈາກທີ່ປະຊາຊົນຖືກຕັດຂາດຈາກ ໂລກພາຍນອກນັບແຕ່ເດືອນທັນວາ 2018 ເປັນຕົ້ນມາ.

ທັງນີ້ ງົວປ່າຂົນຍາວຖືເປັນແຫຼ່ງອາຫານ ນ້ຳນົມ ແລະ ຜະລິດຕະພັນທີ່ເຮັດຈາກນ້ຳນົມຂອງປະຊາຊົນໃນເຂດດັ່ງກ່າວ ທັງເປັນພາຫະນະ ແລະ ຜ້າຂົນສັດທີ່ໃຊ້ໃນລະດູໜາວ ຢ່າງໃດກໍດີ ເຈົ້າໜ້າທີ່ກໍໄດ້ໃຫ້ຄວາມຊ່ວຍເຫຼືອຢ່າງຮີບດ່ວນ ໂດຍຈະມອບເງິນຊ່ວຍເຫຼືອໃຫ້ແກ່ປະຊາຊົນກໍຄືເຈົ້າຂອງງົວສູງສຸດຄອບຄົວລະ 3 ໂຕ ໂຕລະ 430 ໂດລາ ລວມເປັນເງິນທັງໝົດ 1.290 ໂດລາຕໍ່ຄອບຄົວ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: ຂ່າວສົດ

ບົດຄວາມຫຼ້າສຸດ

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...