spot_img
Homeຂ່າວພາຍ​ໃນສະເຫຼີມສະຫຼອງວັນກາແດງໂລກ

ສະເຫຼີມສະຫຼອງວັນກາແດງໂລກ

Published on

ເມື່ອວັນທີ 7 ພຶດສະພາຜ່ານມາ ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ໄດ້ຈັດກິດຈະກຳສະເຫຼີມສະຫຼອງວັນກາແດງໂລກ (ວັນທີ 8 ພຶດສະພາຂອງທຸກປີ) ໂດຍການເຂົ້າຮ່ວມຂອງສູນເລືອດແຫ່ງຊາດ-ອົງການກາແດງລາວ ຄະນະກຳມະການສົ່ງເສີມການບໍລິຈາກເລືອດ-ສົ່ງເລືອດແຫ່ງຊາດ ອົງການຈັດຕັ້ງຕ່າງໆທັງພາກລັດ ແລະ ເອກະຊົນ ມີບັນດານັກຮຽນ-ນັກສຶກສາ ເຂົ້າຮ່ວມຢ່າງຫຼວງຫຼາຍ ພາຍໃຕ້ຫົວຂໍ້ “ການແບ່ງປັນຄວາມຮັກ ແລະ ນ້ຳໃຈຊຶ່ງກັນ ແລະກັນ” ໂດຍກຸ່ມເປົ້າໝາຍແມ່ນກຸ່ມ ນັກຮຽນອາຍຸແຕ່ 17 ປີຂຶ້ນໄປ ມີຫຼາຍກວ່າ 1.000 ຄົນ ຜູ້ບໍລິຈາກເລືອດໃໝ່ ແລະ ຜູ້ບໍລິຈາກເລືອດປະຈຳ ມີຈຳນວນ 300 ກວ່າຄົນ ອາສາສະໝັກ ແລະ ຊັ້ນຄົນຕ່າງໆມີ 200 ກວ່າຄົນ ແລະ ອື່ນໆ.

ສຳລັບກິດຈະກຳບໍລິຈາກເລືອດແມ່ນຈະດຳເນີນເປັນເວລາ 2 ວັນ (ວັນທີ 7-8 ພຶດສະພາ 2019) ໂດຍມີຈຸດປະສົງເພື່ອຮ່ວມ ສະເຫຼີມສະຫຼອງເນື່ອງໃນໂອກາດວັນກຳເນີດຂອງກາແດງໂລກ ເພື່ອໃຫ້ປະຊາຊົນຮັບຮູ້ໄດ້ບົດບາດການເຄື່ອນໄຫວວຽກງານມະນຸດສະທຳຂອງອົງການກາແດງລາວກໍຄືວຽກງານການປຸກລະດົມບໍລິການເລືອດ ແລະ ສະໜອງເລືອດປອດໄພຢູ່ໃນ ສປປ ລາວ ທັງເປັນການເຜີຍແຜ່ຄວາມຮູ້ ຄວາມເຂົ້າໃຈທີ່ຖືກຕ້ອງກ່ຽວກັບການເຮັດວຽກຂອງບັນດາອົງການກາແດງ ແລະ ຊີກວົງເດືອນແດງ ແລະ ເພື່ອເປັນການສະແດງອອກເຖິງຄວາມຮັກ ແລະ ການແບ່ງປັນນ້ຳໃຈຊຶ່ງກັນ ແລະ ກັນ ຜ່ານການປະສານສົມທົບລະຫວ່າງ ອົງການກາແດງໃນທົ່ວໂລກ.

ສ່ວນຜົນການຈັດຕັ້ງປະຕິບັດວຽກງານເລືອດປະຈຳປີ 2018 ທີ່ຜ່ານມາທົ່ວປະເທດໄດ້ຮັບເລືອດທັງໝົດ 49.070 ຖົງ ໃນນີ້ ບໍ ລິຈາກຢູ່ສູນກາງມີຈຳນວນ 20.609 ຖົງ ແລະ ບໍລິຈາກຢູ່ບັນດາແຂວງທົ່ວປະເທດມີຈຳນວນ 28.461 ຖົງ ສາມາດປະຕິບັດໄດ້ 98% ຂອງແຜນການປີ ແລະ ແຜນການບໍລິຈາກເລືອດໃນປີ 2019 ນີ້ ຄາດຄະເນທົ່ວປະເທດຈະໄດ້ຮັບເລືອດທັງໝົດ 55.000 ຖົງ ໃນນີ້ ຜູ້ບໍລິຈາກຢູ່ສູນກາງຈຳນວນ 23.000 ຖົງ ແລະ ບໍລິຈາກຢູ່ບັນດາແຂວງທົ່ວປະເທດມີຈຳນວນ 32.000 ຖົງ.

 

ໂດຍ: ສະຫະລັດ ວອນທິວົງໄຊ

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...