ທ່ານ ນາງ ເທເຣຊາ ເມ ນາຍົກລັດຖະມົນຕີແຫ່ງອັງກິດ ປະກາດແຕ່ງຕັ້ງ ທ່ານ ນາງ ເພນນີ ມໍຣດາ ເປັນລັດຖະມົນຕີກະຊວງ ປ້ອງກັນປະເທດຄົນໃໝ່ ແທນ ທ່ານ ກາວິນ ວິລລຽມສັນ ຊຶ່ງຖືກສັ່ງປົດຢ່າງເປັນທາງການ.
ສຳນັກຂ່າວຕ່າງປະເທດໄດ້ລາຍງານເມື່ອວັນທີ 3 ພຶດສະພາຜ່ານມາວ່າ ລັດຖະບານອັງກິດໂດຍ ທ່ານ ນາງ ເທເຣຊາ ເມ ໄດ້ປະກາດແຕ່ງຕັ້ງໃຫ້ ທ່ານ ນາງ ເພນນີ ມໍຣດາ ອາຍຸ 46 ປີຂຶ້ນດຳລົງຕຳແໜ່ງເປັນລັດຖະມົນຕີກະຊວງປ້ອງກັນປະເທດຄົນໃໝ່ຢ່າງເປັນທາງການ ແລະ ຖືເປັນລັດຖະມົນຕີກະຊວງປ້ອງກັນປະເທດເພດຍິງຄົນທຳອິດຂອງອັງກິດ.
ທ່ານ ນາງ ເພນນີ ມໍຣດາ ຊຶ່ງອະດີດເຄີຍກອງໜຸນປະຈຳກອງທັບເຮືອອັງກິດ ທັງເປັນສະມາຊິກສະພາຜູ້ແທນ ພາຍໃຕ້ສັງກັດພັກອະນຸຮັກນິຍົມ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: Skynews