spot_img
Homeຂ່າວທ້ອງຖິ່ນງານອະລັງການດອກຈຳປາບານ ເປີດຂື້ນເພື່ອເປັນການສົ່ງເສີມປີທ່ອງທ່ຽວລາວ-ຈີນ 2019

ງານອະລັງການດອກຈຳປາບານ ເປີດຂື້ນເພື່ອເປັນການສົ່ງເສີມປີທ່ອງທ່ຽວລາວ-ຈີນ 2019

Published on

ງານອະລັງການຈຳປາບານ ປະສານສາຍໃຈຊາວຫນຸ່ມອາຊຽນ ຄັ້ງທຳອິດໄດ້ຈັດຂຶ້ນທີ່ສວນຈຳປາມຸງຄຸນ ຕັ້ງຢູ່ທີ່ບ້ານນາແຄຄຳ, ເມືອງໄຊທານີ ນະຄອນຫລວງວຽງຈັນ ໂດຍມີຈຸດປະສົງ ເພື່ອເປັນການສົ່ງເສີມປີທ່ອງທ່ຽວລາວ-ຈີນ 2019 ແລະ ທັງເປັນການເປີດກວ້າງສາຍພົວພັນການຮ່ວມມືຂອງບັນດານັກທຸລະກິດ ແລະ ຜູ້ປະກອບການໄວໜຸ່ມລາວ ກັບບັນດາປະເທດອາຊຽນ ກໍຄືສາກົນ.

ໃນງານດັ່ງກ່າວ ໄດ້ຈັດຂື້ນ ລະຫວ່າງວັນທີ 27-28 ເມສາ 2019, ໂດຍການຮວ່ມມືລະຫວ່າງ ສະມາຄົມນັກທຸລະກິດໜຸ່ມ ແຫ່ງຊາດລາວ, ສູນກາງຊາວໜຸ່ມ ປະຊາຊົນ ປະຕິວັດລາວ ຮ່ວມກັບເຈົ້າຂອງສວນຈຳປາມຸງຄຸນ.

ທ່ານ ດຣ. ນາງອຸດທະກີ ຈຸນລະມະນີຄຳຜຸຍ ເຈົ້າຂອງສວນຈຳປາມຸງຄຸນ ກ່າວວ່າ: ງານຄັ້ງນີ້ ຍັງເປັນການພົບປະແລກປ່ຽນບົດຮຽນ ຂອງບັນດາຜູ້ປະກອບການໜຸ່ມທາງດ້ານທຸລະກິດສິນຄ້າ ພ້ອມທັງອະນຸຮັກວັດທະນະທຳອັນດີງາມຂອງຊາດລາວເຮົາໂດຍສະເພາະແມ່ນດອກຈຳປາເຊິ່ງເປັນດອກໄມ້ປະຈຳຊາດລາວໃຫ້ຄຽງຄູ່ຢູ່ກັບຄົນລາວຕະຫລອດໄປ. ເມືອງລາວ ຖືກຂະໜານນາມວ່າດິນແດນຈຳປາ ແລະ ດອກຈຳປາກໍເປັນດອກໄມ້ປະຈຳຊາດລາວ ແລະ ທີ່ສຳຄັນເຮົາມີບົດເພັງຈຳປາເມືອງລາວ ເຊິ່ງມີເນື້ອໃນບາງຕອນກ່າວໄວ້ວ່າ “ສວນດອກຈຳປາບິດາປູກໄວ້ຕັ້ງແຕ່ນານມາ” ເຊິ່ງມີຫລາຍຄົນຖາມວ່າສວນນັ້ນມັນຢູ່ໃສ ເພາະຢູ່ລາວຍັງບໍ່ທັນມີສວນດອກຈຳປາ. ນີ້ກໍຄືແຮງບັນດານໃຈທີ່ຂ້າພະເຈົ້າ ແລະ ຄອບຄົວໄດ້ຕັດສິນໃຈສ້າງສວນ ປູກຕົ້ນຈຳປານີ້ຂຶ້ນມາ ເພື່ອໃຫ້ລູກຫລານໄດ້ເຫັນ ແລະ ໄດ້ສຶກສາຄົ້ນຄວ້າໃນອະນາຄົດ.

ທ່ານ ດຣ. ນາງອຸດທະກີ ຈຸນລະມະນີຄຳຜຸຍ ບອກຕື່ມວ່າ: ຕົນເອງໄດ້ເລີ່ມປູກຕົ້ນຈຳປາ ມາແຕ່ປີ 2007 ມີທັງໝົດ 5.000-7.000 ຕົ້ນ, ດອກຈຳປາຈະເລີ່ມບານໃນລະຫວ່າງ ເດືອນມີນາ ແລະ ເມສາ ຂອງທຸກໆປີ, ດອກຈຳປາທີ່ນຳມາປູກໃນສວນມີຫລາຍກວ່າ 250 ສາຍພັນ ທີ່ມາຈາກຫລາຍປະເທດທົ່ວໂລກ ແລະ ໄດ້ເປີດໃຫ້ມວນຊົນເຂົ້າຊົມໃນ ປີ 2015 ໂດຍມີຜູ້ເຂົ້າມາຊົມມື້ທຳອິດຫລາຍກວ່າ 2 ພັນຄົນ ເຊິ່ງມີທັງແຂກພາຍໃນ ແລະ ຕ່າງປະເທດ. ມາຮອດປັດຈຸບັນ ມີຜູ້ເຂົ້າມາຊົມສວນ ດັ່ງກ່າວຫລາຍກວ່າ 4 ໜື່ນຄົນ.

ທ່ານ ບຸນຕາ ເທບພະວົງ ຮອງເລຂາຄະນະບໍລິຫານງານ ສູນກາງຊາວໜຸ່ມ ປະຊາຊົນປະຕິວັດລາວ ກ່າວວ່າ: ການຈັດງານຄັ້ງນີ້ແມ່ນມີຄວາມສຳຄັນຫລາຍ ຕໍ່ບັນດານັກທຸລະກິດຂະໜາດນ້ອຍຂອງລາວໃນການແລກປ່ຽນບົດຮຽນ ເຊິ່ງກັນ ແລະ ກັນ ເພື່ອເປັນການຕໍ່ຍອດ ຫລື ເພີ່ມທະວີການປະຕິບັດແນວທາງນະໂຍບາຍຂອງພັກ ກໍຄືຂອງລັດຖະບານ ໃນການສົ່ງເສີມບັນດານັກທຸລະກິດໜຸ່ມຂອງລາວ ໃຫ້ສາມາດແຂ່ງຂັນກັບບັນດານັກທຸລະກິດປະເທດອາຊຽນ ກໍຄືພາກພື້ນ ແລະ ສາກົນ ເພື່ອກະຕຸ້ນເສດຖະກິດຂອງລາວ ໃຫ້ນັບມື້ດີຂຶ້ນ ພ້ອມທັງເປັນການສົ່ງເສີມທຸລະກິດການທ່ອງທ່ຽວຂອງລາວໄປພ້ອມໆກັນ ເພາະຊາວໜຸ່ມເປັນກຳລັງແຮງເປັນໜໍ່ແໜງຂອງການປົກປັກຮັກສາ ແລະ ສືບທອດພາລະກິດພັດທະນາປະເທດຊາດ ໃຫ້ນັບມື້ເຕີບໃຫຍ່ຂະຫຍາຍຕົວ.

ໃນງານຜູ້ເຂົ້າຮ່ວມຍັງໄດ້ພົບກັບການສະແດງທີ່ຫນ້າຕື່ນຕາຕື່ນໃຈ ເປັນຕົ້ນ ການສະແດງເທັກຄອນໂດ, ການເດີນແບບຈາກສິ່ງເສດເຫລືອ ຈາກນ້ອງນັກຮຽນ ໂຮງຮຽນຈອມຄຳ, ການສອນເຮັດ ເຄັກ ແລະ ຂະຫນົມ, ການແຕ້ມຮູບ ແລະ ປະມູນຮູບພາບຈາກນັກສິລະປິນລາວ ແລະ ການສະແດງຂອງວົງດົນຕີດ່ານຊ້າງ.

ຂຽນໂດຍ: ສະຫະລັດ ວອນທິວົງໄຊ

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...