spot_img
Homeຂ່າວພາຍ​ໃນລັດ​ຖະ​ບານ​ລາວ ມອບ​ຫລຽນ​ກາ​ມິດ​ຕະ​ພາບ​ໃຫ້ ຜູ້​ປະ​ສານ​ງານ​ອົງ​ການ ສ​ປ​ຊ

ລັດ​ຖະ​ບານ​ລາວ ມອບ​ຫລຽນ​ກາ​ມິດ​ຕະ​ພາບ​ໃຫ້ ຜູ້​ປະ​ສານ​ງານ​ອົງ​ການ ສ​ປ​ຊ

Published on

ໃນ​ວັນ​ທີ 19 ເມ​ສາ 2019 ຜ່ານ​ມາ, ທີ່​ກະ​ຊວງ​ການ​ຕ່າງ​ປະ​ເທດ ໄດ້​ມີ​ພິ​ທີ​ປະ​ດັບ​ຫລຽນ​ກາ​ມິດ​ຕະ​ພາບໃຫ້​ ​ທ່ານ ນາງ ຄາ​ຣີ​ນາ ອີມ​ໂມ​ເນັນ​ ຜູ້​ປະ​ສານ​ງານອົງ​ການ​ສະ​ຫະ​ປະ​ຊາ​ຊາດ (ສ​ປ​ຊ) ແລະ ຜູ້​ຕາງ​ໜ້າ​ອົງ​ການ ສ​ປ​ຊ ເພື່ອ​ການ​ພັດ​ທະ​ນາ (UNDP) ປະ​ຈຳ ສ​ປ​ປ ລາວ ເພື່ອ​ເປັນ​ການ​ຍ້ອງ​ຍໍ​ຊົມ​ເຊີຍ​ຜົນ​ງານ​ຂອງ​ຜູ້​ກ່ຽວ ພາຍ​ຫລັງ ສິ້ນ​ສຸດ​ການ​ປະ​ຕິ​ບັດ​ໜ້າ​ທີ່​ຢູ່ ສ​ປ​ປ ລາວ. ຕາງ​ໜ້າ​ລັດ​ຖະ​ບານ​ລາວ ປະ​ດັບ​ຫລຽນ​ກາ​ມິດ​ຕະ​ພາບ​ໃນ​ຄັ້ງ​ນີ້, ແມ່ນ ທ່ານ ທອງ​ຜ່ານ ສ​ະ​ຫວັນ​ເພັດ ຮອງ​ລັດ​ຖະ​ມົນ​ຕີ ​ກະ​ຊວງ​ການ​ຕ່າງ​ປະ​ເທດ, ມີ​ພະ​ນັກ​ງານ​ຂັ້ນ​ສູງ​ ຈາກ​ຂະ​ແໜງ​ການ​ກ່​ຽວ​ຂ້ອງ, ຜູ້​ຕາງໜ້າ​ຫ້ອງ​ການ​ຜູ້​ປະ​ສານ​ງານ ສ​ປ​ຊ ແລະ ອົງ​ການ​ເຄືອ​ຂ່າຍ ສ​ປ​ຊ ປະ​ຈຳ ສ​ປ​ປ ລາວ ​ເຂົ້າ​ຮ່ວມ.

ໃນ​ໂອ​ກາດ​ດັ່ງ​ກ່າວ, ທ່ານຮອງ​ລັດ​ຖະ​ມົນ​ຕີ​ ກະ​ຊວງ​ການ​ຕ່າງ​ປະ​ເທດ ໄດ້​ສະ​ແດງ​ຄວາມ​ຊົມ​ເຊີຍ ແລະ ຕີ​ລາ​ຄາ​ສູງ ຕໍ່​ຜົນ​ສຳ​ເລັດ​ໃນ​ການ​ປະ​ຕິ​ບັດ​ໜ້າ​ທີ່ວ​ຽກ​ງານ ​ໃນ​ໄລ​ຍະ​ຜ່ານ​ມາ​ຂອງ​ທ່ານ ນາງ ຄາ​ຣີ​ນາ ອີມ​ໂມ​ເນັນ ທີ່​ໄດ້​ປະ​ກອບ​ສ່ວນ​ເສີມ​ຂະ​ຫຍາຍ​ການ​ຮ່ວມ​ມື ແລະ ຊ່ວຍ​ເຫລືອ ສ​ປ​ປ ລາວ ໃນ​ດ້ານ​ຕ່າງໆ​ຂອງ​ອົງ​ການ UNDP ເປັນ​ຕົ້ນ​ແມ່ນວ​ຽກ​ງານ​ການ​ພັດ​ທະ​ນາ​ຢູ່ ສ​ປ​ປ​ ລາວ. ດັ່ງ​ນັ້ນ, ລັດ​ຖະ​ບານ ແຫ່ງ ສ​ປ​ປ ລາວ ຈຶ່ງ​ໄດ້​ຕົກ​ລົງ​ຍ້ອງ​ຍໍ​ປະ​ດັບ​ຫລຽນ​ກາ​ມິດ​ຕະ​ພາບ ເພື່ອ​ເປັນ​ການ​ຈາ​ລຶກ​ຜົນ​ງານ​ການ​ປະ​ກອບ​ສ່ວນ ​ໃນ​ການ​ສ້າງ​ສາ​ພັດ​ທະ​ນາ ຢູ່ ສ​ປ​ປ ລາວ​ ຂອງ​ຜູ້​ກ່ຽວ.

ພ້ອມ​ດຽວກັນ, ທ່ານ ນາງ ຄາ​ຣີ​ນາ ອີມ​ໂມ​ເນັນ ກໍ​ໄດ້​ສະ​ແດງ​ຄວາມ​ຂອບ​ໃຈ​ຕໍ່​ການ​ຮ່ວມ​ມື ແລະ ສະ​ໜັບ​ສະ​ໜູນ​ຂອງລັດ​ຖະ​ບານ​ລາວ ຕະຫລອດ​ໄລ​ຍະ​ການ​ປະ​ຕິ​ບັດ​ໜ້າ​ທີ່​ຜ່ານ​ມາ, ພ້ອມ​ທັງ​ຢືນ​ຢັນ​ຈະ​ສືບ​ຕໍ່​ປະ​ກອບ​ສ່ວນ​ຊຸກ​ຍູ້​ໃຫ້​ການ​ຊ່ວຍ​ເຫລືອ​ ແລະ ສະ​ໜັບ​ສະ​ໜູນຮ່ວມ​ມື​ຂອງ​ອົງ​ການ UNDP ໃຫ້​ແກ່ ສ​ປ​ປ ລາວ ໃນ​ຕໍ່​ໜ້າ.

ຂຽນໂດຍ: ສະຫະລັດ ວອນທິວົງໄຊ

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...