spot_img
Homeຂ່າວພາຍ​ໃນຈະແຈ້ງຈາກການບິນລາວ! ຕໍ່ກັບເຫດການເຮືອບິນ Airbus A320 ເກີດຂັດຂ້ອງຕ້ອງລົງຈອດດ່ວນ

ຈະແຈ້ງຈາກການບິນລາວ! ຕໍ່ກັບເຫດການເຮືອບິນ Airbus A320 ເກີດຂັດຂ້ອງຕ້ອງລົງຈອດດ່ວນ

Published on

ໃນເວລາ 21:00 ໂມງຂອງວັນທີ 10 ມີນາ 2019 ເຮືອບິນການບິນລາວ ຖ້ຽວບິນ QV-865 ບິນຈາກນະຄອນຫຼວງວຽງຈັນ ໄປສູ່ຊຽງໄຮ້ ປະເທດຈີນ ໂດຍເຮືອບິນ Airbus A320 ທະບຽນ RDPL-34188 (ເຮືອບິນເໝົາລຳ), ຫຼັງຈາກທີ່ເຮືອບິນຂຶ້ນໄປໄດ້ປະມານ 10-20 ນາທີ ໄດ້ເກີດການຂັດຂ້ອງ ດັ່ງນັ້ນ, ນັກບິນຈຶ່ງຕັດສິນໃຈບິນກັບມາສະໜາມບິນວັດໄຕ ແລະ ລົງຈອດໄດ້ຢ່າງປອດໄພ ພ້ອມຜູ້ໂດຍສານ 129 ຄົນ. ພາຍຫຼັງລົງຈອດຢ່າງປອດໄພ ວິສາວະກອນຂອງການບິນລາວໄດ້ທຳການກວດສອບບັນຫາ ແລະ ກວດກາ ຈື່ງພົບວ່າບໍ່ມີບັນຫາຫຍັງ ແລະ ອະນຸຍາດໃຫ້ເຮືອບິນດັ່ງກ່າວສາມາດສືບຕໍ່ບິນໄດ້.

ໃນວັນທີ 11 ມີນາ 2019 AeroLaos ໄດ້ສໍາພາດກັບຕັນທ່ານໜຶ່ງຂອງລັດວິສາຫະກິດການບິນລາວ (Lao Airlines) ລະບຸວ່າ: ຖ້ຽວບິນ QV-865 ບິນຈາກສະໜາມບິນວັດໄຕ ນະຄອນຫຼວງວຽງຈັນ ສູ່ ນະຄອນຊຽງໄຮ້, ສປ ຈີນ ,ນັກບິນສັງເກດເຫັນລະບົບເຕືອນ, ຈຶ່ງຂໍນຳເອົາເຮືອບິນກັບມາລົງຄືນເພື່ອກວດສອບ ແຕ່ໃນການເອົາກັບມາລົງຄືນນັ້ນ ຕ້ອງໄດ້ບິນເວີ່ນ ຈູດນໍ້າມັນອອກກ່ອນຈຳນວນໜຶ່ງເພາະນໍ້າມັນທີ່ໃສ່ໄປທາງໄກຫັ້ນມີຫຼາຍເກີນ, ຖ້ານຳເອົາເຮືອບິນລົງໂດຍບໍ່ເຜົານໍ້າມັນຖິ້ມກ່ອນ ຈະເຮັດໃຫ້ເກີນນໍ້າໜັກລົງເດີ່ນຂອງເຮືອບິນ. “ບໍ່ມີຫຍັງເປັນລະທຶກ ຕາມຂ່າວຫຼາຍໆສຳນັກຂຽນມາ”

ເຮືອໂດຍສານ Airbus-A320 ລະຫັດຍົນ RDPL-34188 ຂອງການບິນລາວ ລຳນີ້ເປັນລຳທຳອິດຂອງຊະນິດຍົນແອບັສຂອງການບິນລາວ.

 

 

 

 

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ລັດວິສາຫະກິດການບິນລາວ, ຄົນຮັກການບິນ In Love Aviation, AeroLaos

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...