spot_img
Homeຂ່າວຕ່າງປະເທດໂດຣນັລ ທຣໍ້າ ຈະບໍ່ເລັ່ງຕໍ່ການປົດອາວຸດນີວເຄຍຂອງ ເກົາຫຼີເໜືອ

ໂດຣນັລ ທຣໍ້າ ຈະບໍ່ເລັ່ງຕໍ່ການປົດອາວຸດນີວເຄຍຂອງ ເກົາຫຼີເໜືອ

Published on

ວັນທີ 28 ກຸມພາ 2019 ເປັນວັນສີ້ນສຸດຂອງການປະຊຸມພົບປະຫາລືກັນລະຫວ່າງຜູ້ນໍາສູງສຸດຂອງ ເກົາຫຼີເໜືອ ກັບ ໂດຣນັລ ທຣໍ້າ ປະທານາທິບໍດີແຫ່ງ ສະຫະລັດອາເມຣິກາ ເຊິ່ງການພົບປະຫາລືຄັ້ງທີ II ທີ່ໂຮງແຮມໂຊຟິເທວ ເລເກັນ ເມໂທຣໂພ, ນະຄອນຫຼວງຮ່າໂນ້ຍ ສສ ຫວຽດນາມ ໂດຍໄດ້ດໍາເນີນເປັນທາງການເປັນເວລາ 2 ວັນດ້ວຍກັນ.

ສໍານັກຂ່າວຕ່າງປະເທດລາຍງານຈາກ ນະຄອນຫຼວງຮ່າໂນ້ຍ ສສ ຫວຽດນາມ ໃນວັນທີ 28 ກຸມພາ 2019 ວ່າ ໂດຣນັລ ທຣໍ້າ ກ່າວໃນລະຫວ່າງການຖະແຫຼງວ່າ: “ຂະບວນການປົດອາວຸດນິວເຄຍເປັນເລື່ອງລະອຽດອ່ອນ, ຕ້ອງຮອບຄອບ ແລະ ຕົນຈະບໍ່ເລັ່ງລັດ. ໃນການເປີດຫ້ອງການປະສານງານເປັນສິ່ງທີ່ດີຫຼາຍ ແລະ ການປຶກສາຫາລືກັບ ເກົາຫຼີເຫຼືອ ກໍປະສົບຜົນສຳເລັດຢ່າງຫຼວງຫຼາຍ”. ດ້ານ ຄີມ ຈອງ ອຶນ ຜູ້ນຳເກົາຫຼີເໜືອ ກ່າວວ່າ: “ຍັງໄວເກີນໄປ ທີ່ຈະຢືນຢັນບັນຫາທີ່ເປັນປະເດັນກ່ຽວກັບຂໍ້ຕົກລົງ ເລື່ອງການປົດອາວຸດນິວເຄຍ ແຕ່ສ່ວນຕົວບໍ່ໄດ້ຕີລາຕໍ່ບັນຫາດັ່ງກ່າວໃນດ້ານລົບ ແລະ ເຊື່ອວ່າຜົນການພົບປະຫາລືໃນຄັ້ງນີ້ຈະອອກມາດີ ຖ້າຕົນເອງບໍ່ພ້ອມທີ່ຈະປົດອາວຸດ ຕົນເອງກໍຈະບໍ່ມາຢູ່ນີ້ໃນເວລານີ້”.

ຂະນະທີ່ທຳນຽບຂາວເປີດເຜີຍວ່າ: ຜູ້ນຳທັງສອງປະເທດມີກຳນົດການລົງນາມຮ່ວມກັນໃນຂໍ້ຕົກລົງສະບັບໜຶ່ງ ຫຼັງຈາກນັ້ນ, ທ່ານ ໂດຣນັລ ທຣໍ້າ ຈະຖະແຫຼງຕອບຄຳຖາມຈາກນັກຂ່າວ ເຊິ່ງເປັນຂັ້ນຕອນແບບດຽວກັບຢູ່ສິງກະໂປ ເມື່ອປີທີ່ຜ່ານມາ. ຢ່າງໃດກໍ່ຕາມ ຍັງບໍ່ມີຝ່າຍໃດຍອມໃຫ້ຂໍ້ມູນວ່າເນື້ອໃນຂອງຂໍ້ຕົກລົງຈະມີເລື່ອງ ການຢຸດຕິຢ່າງເປັນທາງການຂອງສົງຄາມເກົາຫຼີ ຫຼື ບໍ່ ເນື່ອງຈາກໃນທາງເສດຖະກິດຍັງຖືວ່າ ອາເມລິກາ ກັບ ເກົາຫຼີໃຕ້ ແລະ ເກົາຫຼີເໜືອ ລວມເຖິງ ສປ ຈີນ ຍັງມີສະຖານະເປັນປະເທດຄູ່ກໍລະນີຂອງສົງຄາມເກົາຫຼີ ລະຫວ່າງປີ 1950-1953 ທີ່ລົງນາມດ້ວຍຂໍ້ຕົກລົງຢຸດຍິງ ບໍ່ແມ່ນສົນທິສັນຍາສັນຕິພາບ.

ຂ່າວລາຍງານຕື່ມວ່າ: ຫຼາຍຝ່າຍຍັງຕີລາຄາວ່າແຮງກົດດັນໃນກອງປະຊຸມຄັ້ງນີ້ ຢູ່ທີ່ ໂດຣນັລ ທຣໍ້າ ຫຼາຍກວ່າ ເພາະນັບຕັ້ງແຕ່ການພົບປະກັນທີ່ສິງກະໂປ ບັນຫາການປົດອາວຸດນິວເຄຍເກືອບບໍ່ມີຄວາມຄືບໜ້າເປັນຮູບປະທຳ ແລະ ການປະຊຸມຄັ້ງນີ້ກໍມີການຢຸດຕິລົງໄວກວ່າເວລາກໍານົດເກືອບ 2 ຊົ່ວໂມງ ໂດຍບໍ່ມີການລົງນາມໃນຂໍ້ຕົກລົງໃດຮ່ວມກັນ.

 

 

 

 

 

 

 

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນ, ຮູບພາບຈາກ: dailynews.co.th, AFP,AP

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...