ມີຫຼາຍແບຣນດັງລະດັບໂລກອອກຄໍເລັກຊັນມາໃໝ່ເທື່ອໃດ ຕ້ອງມີແນວເຊີໄພໃຫ້ຕື່ນໃຈທຸກເທື່ອ ໂດຍໃນຊ່ວງ 2-3 ປີຜ່ານມາຕ້ອງຍົກໃຫ້ກັບແບຣນ Balenciaga ທີ່ໄດ້ອອກ ຄໍເລັກຊັນມາຈົນເປັນກະແສ ບໍ່ວ່າຈະເປັນ ກະເປົາຖົງກະສອບສີຮຸ້ງກິນນໍ້າ ຫຼື ກະເປົາຖົງຜ້ານວມ.
ລ່າສຸດວັນທີ 26 ມັງກອນ 2019 ມີຜູ້ໃຊ້ທະວິດເຕີ @KomsakAddams ໄດ້ແຊຮູບ ຄໍເລັກຊັນ ຂອງແບຣນດັງອີຕາລີ Gucci ທີ່ອອກແບບສິນຄ້າ ຄ້າຍຄືກັບດີຊາຍເນີແບບໄທບ້ານ ອັນທໍາອິດເປັນໝວກສານປິກກວ້າງສາຍຄ້ອງຄໍ ເຊິ່ງຮວມອອກໂຊຢູ່ເທິງເວທີງານ Cruise 2019 ໃນລາຄາ 450 ຫຼຽນອາເມລິກາ ຫຼື ປະມານ 3.847.000 ກີບ. ສ່ວນແບບທີ 2 ເປັນກະເປົາສານ ແຖບຍັງເປັນສີເອກະລັກຂອງທາງແບຣນ ໃນໜ້າເວັບໄຊ Gucci
ຢູ່ໃນ ຄໍເລັກຊັນ Pre-Fall 2018 ເຊິ່ງໄດ້ຮັບແຮງບັນດາໃຈມາຈາກຍຸກ 60 ແລະ 70 ຜະລິດດ້ວຍວັດສະດຸຈາກທໍາມະຊາດ, ນໍ້າໜັກເບົາ, ລາຄາຢູ່ທີໃບລະ 1.290 ຫຼຽນອາເມລິກາ ຫຼື ປະມານ 11 ລ້ານກີບ. ງານນີ້ເຫັນແລ້ວກໍອົດເຫັນແຟຊັນຂອງບ້ານເຮົາບໍ່ໄດ້ ໂດຍຊາວໂຊຊຽວໄດ້ພາກັນແຊໄປແບບມ່ວນໆ ຕະຫຼົກວ່າ ຖ້າໃສ່ຄູ່ກັນແລ້ວອາດຈະຄືຜູ້ສາວຊາວບ້ານສູ້ຊີວິດເລີຍ ເຖິງຈະເປັນງານສີມືທີ່ມີລາຄາແພງກໍຕາມ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ:hilight.kapook.com
ຮູບພາບຈາກ: gucci.com