spot_img
Homeຂ່າວຕ່າງປະເທດມາເລເຊຍ ຈະບໍ່ເປັນເຈົ້າພາບຈັດງານຖ້າມີ ອິດສະລາແອນ ເຂົ້າຮ່ວມ

ມາເລເຊຍ ຈະບໍ່ເປັນເຈົ້າພາບຈັດງານຖ້າມີ ອິດສະລາແອນ ເຂົ້າຮ່ວມ

Published on

ສໍານັກຂ່າວຕ່າງປະເທດ ລາຍງານຈາກນະຄອນຫຼວງ ກົວລາລໍາເປີ ປະເທດມາເລເຊຍ ໃນວັນທີ 17 ມັງກອນ 2019 ວ່າ ທ່ານ ໄຊຟຸດດິນ ອັບດຸລເລາະ ລັດຖະມົນຕີ ກະຊວງການຕ່າງປະເທດ ມາເລເຊຍ ກ່າວໃນວັນທີ 16 ມັງກອນ ຜ່ານມາ, ທີ່ກອງປະຊຸມຄະນະລັດຖະມົນຕີໄດ້ຕົກລົງເຫັນດີກັນວ່າ:” ລັດຖະບານຈະບໍ່ຈັດງານໃດກໍຕາມທີ່ມີຜູ້ແທນຈາກ ອິດສະລາແອນ ເຂົ້າຮ່ວມ ແລະ ພົນລະເມືອງ ອິດສະລາແອນ ຈະບໍ່ສາມາດເດີນທາງເຂົ້າສູ່ ມາເລເຊຍ ບໍ່ວ່າຈະດ້ວຍກໍລະນີໃດກໍຕາມ” ຖືເປັນການຢໍ້າເຕືອນຈຸດຢືນທາງດ້ານນະໂຍບາຍຂອງ ມາເລເຊຍ ເພື່ອການຕໍ່ສູ້ໃນນາມຂອງຜູ້ທີ່ຖືກກົດຂີ່.

ດ້ານ, ດຣ. ມາຫາເທີຣ ໂມຮໍາມັດ ນາຍົກລັດຖະມົນຕີ ມາເລເຊຍ ກ່າວໃນອາທິດທີ່ແລ້ວວ່າ ລັດຖະບານ ບໍ່ອະນຸຍາດໃຫ້ຄະນະນັກກິລາຄົນພິການຈາກ ອິດສະລາແອນ ເຂົ້າຮ່ວມການແຂ່ງຂັນລອຍນໍ້າທີ່ ລັດຊາຣາວັກ ຢູ່ເກາະບອນນຽວ ທາງຕາເວັນອອກຂອງປະເທດ ທີ່ຈະມີຂຶ້ນລະຫວ່າງວັນທີ 29 ກໍລະກົດ ຫາ 4 ສິງຫາ ປີນີ້ ແລະ ເປັນໜຶ່ງໃນລາຍການເກັບຄະແນນສະສົມ ເພື່ອຄັດເລືອກເຂົ້າສູ່ການແຂ່ງຂັນ ພາລາລິມປິກ ທີ່ນະຄອນຫຼວງໂຕກຽວ ປະເທດຍີ່ປຸ່ນ ໃນປີ 2020. ຂະນະທີ່ຄະນະກໍາມະການ ພາລາລິມປິກ ສາກົນ (IPC) ສໍານັກງານຢູ່ໃນເມືອງ ບອນ ທາງພາກຕາເວັນຕົກຂອງປະເທດ ເຢຍລະມັນ ໄດ້ຖະແຫຼງການວ່າ: “ຜິດຫວັງຢ່າງຍິ່ງຕໍ່ການຕັດສິນໃຈຂອງ ມາເລເຊຍ ແຕ່ຍັງຄາດຫວັງວ່າທຸກຝ່າຍທີ່ກ່ຽວຂ້ອງຈະໃຊ້ເວລາຊ່ວງນີ້ແກ້ໄຂສະຖານະການໄດ້”.

ແນວໃດກໍຕາມ, ນີ້ບໍ່ແມ່ນຄັ້ງທໍາອິດທີ່ ມາເລເຊຍ ຫ້າມນັກກິລາຂອງ ອິດສະລາແອນ ເຂົ້າຮ່ວມການແຂ່ງຂັນ ທີ່ຈັດຂຶ້ນໃນປະເທດ. ຍ້ອນກັບໄປປີ 2015 ລັດຖະບານ ມາເລເຊຍ ບໍ່ອອກວີຊ່າໃຫ້ກັບນັກກິລາ ວິນດ์ເຊິຣ 2 ຄົນ ຈາກ ອິດສະລາແອນ ທີ່ຕ້ອງການເຂົ້າການແຂ່ງຂັນຢູ່ເກາະລັງກາວີ ແລະ ປະຕິເສດຮັບເປັນເຈົ້າພາບຈັດກອງປະຊຸມຂອງສະຫະພັນບານເຕະລະຫວ່າງປະເທດ (ຟີຟ່າ) ປີ 2017 ທີ່ມີ ອິດສະລາແອນ ເປັນສະມາຊິກ.

 

 

 

 

 

 

 

 

 

 

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນ, ຮູບພາບຈາກ: dailynews.co.th

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...