spot_img
Homeຂ່າວທ້ອງຖິ່ນກຽມພົບກັບງານມະຫາກໍາອະສັງຫາລິມະຊັບຄັ້ງທໍາອິດໃນລາວ

ກຽມພົບກັບງານມະຫາກໍາອະສັງຫາລິມະຊັບຄັ້ງທໍາອິດໃນລາວ

Published on

ໃນຕອນເຊົ້າຂອງວັນທີ 15 ມັງກອນ 2019, ສະພາການຄ້າ ແລະ ອຸດສະຫະກໍາແຫ່ງຊາດລາວ (ສຄອຊ) ຮ່ວມກັບ Yula.la ແລະ Laorealestate.la ຈັດພິທີຖະແຫຼງຂ່າວກ່ຽວກັບງານມະຫາກໍາອະສັງຫາລິມະຊັບ ເຊິ່ງເປັນຄັ້ງທໍາອິດໃນ ສປປ ລາວ ທີ່ຈະຈັດຂຶ້ນເປັນເວລາ 2 ວັນເລີ່ມແຕ່ວັນທີ 1-2 ມີນາ 2019, ທີ່ໂຮງແຮມດອນຈັນພາເລດ ນະຄອນຫຼວງວຽງຈັນ ທັງນີ້, ເພື່ອສົ່ງເສີມຄວາມກ້າວໜ້າໃຫ້ແກ່ພາກສ່ວນອະສັງຫາລິມະຊັບ ແລະ ເສດຖະກິດ.

ທ່ານ ນາງ ຈັນທະຈອນ ວົງໄຊ ປະທານ ສະມາຄົມນັກທຸລະກິດ ແມ່ຍິງລາວ ທັງເປັນຮອງປະທານ ສະພາການຄ້າ ແລະ ອຸດສາຫະກໍາ ແຫ່ງຊາດລາວ ກ່າວໃນຖະແຫຼງການວ່າ:  ເພື່ອເປັນການຊຸກຍູ້ສົ່ງເສີມພາກທຸລະກິດທັງພາຍໃນ ແລະ ຕ່າງປະເທດທີ່ລົງທຶນໃນລາວ ໂດຍສະເພາະຂະແໜງອະສັງຫາລິມະຊັບໃຫ້ມີທ່າແຮງຂະຫຍາຍຕົວ ງານຄັ້ງນີ້, ຈະຮວບຮວມເອົາຜູ້ປະກອບການໃນຂະແໜງອະສັງຫາລິມະຊັບທີ່ມີຊື່ສຽງທັງພາຍໃນ ແລະ ຕ່າງປະເທດມາວາງສະແດງ ເຊັ່ນ: ເຄື່ອງກໍ່ສ້າງ, ຜະລິດຕະພັນຕົບແຕ່ງບ້ານ, ທີ່ດິນ, ໂຄງການບ້ານຈັດສັນ ແລະ ອື່ນໆ ນອກນັ້ນ, ຍັງມີເວທີເປີດໂອກາດໃຫ້ຫົວໜ່ວຍທຸລະກິດສາມາດນໍາສະເໜີໂຄງການຂອງຕົນ ພ້ອມທັງການປຶກສາຫາລືແລກປ່ຽນຄໍາຄິດເຫັນລະຫວ່າງຜູ້ຊື້ກັບຜູ້ຂາຍ ແລະ ໄດ້ຮູ້ນະໂຍບາຍຕ່າງໆ ເຊັ່ນ: ການຊື້ທີ່ດິນ-ບ້ານເຮືອນ, ການປຸກສ້າງຕຶກອາຄານໃໝ່ ແລະ ໂຄງການສ້າງຕ່າງໆ ພ້ອມດຽວກັນນັ້ນ, ຍັງຈະມີການຈັດກອງປະຊຸມສໍາມະນາພົບປະກັບນັກທຸລະກິດດ້ານອະສັງຫາລິມະຊັບ ເຊິ່ງຈະເປັນຜົນດີໃຫ້ແກ້ຫົວໜ່ວຍທຸລະກິດທັງຫຼາຍທີ່ຈະໄດ້ຮັບຂໍ້ມູນຂ່າວສານກ່ຽວກັບອະສັງຫາລິມະຊັບກັບຕ່າງປະເທດ.

ທ່ານ ເຈມສ໌ ໄວທ໌ເຮດ ຜູ້ບໍລິຫານຂອງ Yula.la ທັງເປັນປະທານບໍລິສັດ ດິຈິຕອນຄລາດຊິຟາຍລາວ ກ່າວວ່າ: ການສົ່ງເສີມຄວາມກ້າວໜ້າໃນພາກສ່ວນອະສັງຫາລິມະຊັບ ແລະ ເສດຖະກິດໂດຍລວມນັ້ນ ເຊິ່ງທາງບໍລິສັດພວກເຮົາໄດ້ປະສົບຜົນສໍາເລັດໃນການຂະຫຍາຍຂໍ້ມູນກ່ຽວກັບອະສັງຫາລິມະຊັບຢູ່ຫຼາຍປະເທດ ເຊັ່ນ: ກໍາປູເຈຍ, ຫວຽດນາມ ແລະ ອື່ນໆ. ງານມະຫາກໍາອະສັງຫາລິມະຊັບ ປະຈໍາປີ 2019 (Laorealestate.la Expo 2019) ຈະໄດ້ນໍາເອົາບັນດາກຸ່ມຄົນ ແລະ ບໍລິສັດຊັ້ນນໍາຕ່າງໆໃນລາວເຂົ້າຮ່ວມງານ ເຊັ່ນ: ນັກພັດທະນາໂຄງການ, ນັກສະຖາປະນິກ, ຜູ້ຮັບເໝົາກໍ່ສ້າງ, ນາຍໜ້າອະສັງຫາ, ຄົນຂາຍດິນ, ທະນາຄານທີ່ປ່ອຍສິນເຊື່ອເຮືອນ, ບໍລິສັດປະກັນໄພ, ບໍລິສັດ ດ້ານກົດໝາຍ ແລະ ນັກລົງທຶນອະສັງຫາຈາກຕ່າງປະເທດ.

ງານດັ່ງກ່າວ, ໄດ້ເປີດໃຫ້ມວນຊົນລົງທະບຽນເຂົ້າຮ່ວມງານຟຣີ ເພື່ອຈັບສະຫຼາກລຸ້ນໂຊກຮັບສິດໃນການເດີນທາງທ່ອງທ່ຽວຕ່າງປະເທດ ພ້ອມຂອງລາງວັນອື່ນໆ. ສໍາລັບບໍລິສັດຕ່າງໆ ທີ່ຕ້ອງການເປີດກວ້າງຜະລິດຕະພັນຂອງທ່ານ ແລະ ສ້າງສາຍສໍາພັນໃໝ່ໆກັບກຸ່ມທຸລະກິດອື່ນໆ ແມ່ນສາມາດຈອງບູດທ໌ເພື່ອຈັດວາງສະແດງ ຫຼື ເປັນຜູ້ຮ່ວມສະໜັບສະໜູນໄດ້ຕາມລີ້ງລຸ່ມນີ້:

https://realestatekh.lpages.co/lao-real-estate-expo-2019-lao-attendees/?fbclid=IwAR1hKfT5WpN8Zolq0Zfse0_1mL9I0e89a6OebaNqiNp-OwvR–f266M1LEQ

ຫຼື ສາມາດຕິດຕໍ່ໄດ້ທີ່ເບີໂທ: +85620 5555 0906 ຫຼື ອີເມວ contact@yula.la 

ສຳລັບການລົງທະບຽນຜູ້ເຂົ້າຮ່ວມງານຟຣີ ກົດທີ່ລີ້ງລຸ່ມນີ້: https://realestatekh.lpages.co/lao-real-estate-expo-2019-lao-attendees/?fbclid=IwAR0IcccCTS34-gdF0dmhK9j_s-SSYpzOS3X8xYiPNbbtGBRwF02b5UGphEI

 

 

 

 

 

 

 

 

 

 

 

 

 

 

 

ຂ່າວ, ຮູບພາບໂດຍ: ໃບບົວ ຈັນທະລັງສີ

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...