ກຸ່ມແມ່ຍິງສາກົນ ປະກາດເຖິງປະຊາຊົນລາວທົ່ວປະເທດ ຜູ້ທີ່ມີລູກຫຼານ ຫຼື ຍາດພີ່ນ້ອງທີ່ມີບັນຫາຮີບສົບ ສາມາດພົບທ່ານໝໍຊ່ຽວຊານໄດ້ ເພື່ອເຂົ້າຮັບການຜ່າຕັດປິ່ນປົວ ໂດຍບໍ່ໄດ້ເສຍຄ່າໃຊ້ຈ່າຍໃດໆ ສໍາລັບຜູ້ທີ່ສົນໃຈເຂົ້າປິ່ນປົວສາມາດລົງທະບຽນໄດ້ທີ່ ໂຮງໝໍມະໂຫສົດ ນະຄອນຫຼວງວຽງຈັນ ໃນລະຫວ່າງວັນທີ 13-19 ມັງກອນ 2019 ແລະ ໂຮງໝໍແຂວງຈໍາປາສັກ ວັນທີ 20-24 ມັງກອນ 2019 ພ້ອມທັງນໍາເອົາໜັງສືຢັ້ງຢືນທີ່ຢູ່ຈາກນາຍບ້ານ ແລະ ປື້ມສໍາມະໂນຄົວມາພ້ອມ.
ການເປີດບໍລິການດັ່ງກ່າວ, ເປັນການຊ່ວຍເຫຼືອຂອງຄະນະອໍານວຍການໂຮງໝໍມະໂຫສົດ, ມະຫາວິທະຍາໄລວິທະຍາສາດສຸຂະພາບ, ກຸ່ມແມ່ຍິງສາກົນ ເຊິ່ງຄົນເຈັບທີ່ຮ້າຍແຮງທີ່ສຸດ ຈະຖືກພິຈາລະນາກ່ອນ ແລະ ຈະມີການຊ່ວຍເຫຼືອຄ່າເດີນທາງໄປ-ກັບດ້ວຍລົດເມ, ຄ່າອາຫານຕະຫຼອດໄລຍະທີ່ປິ່ນປົວຢູ່ໂຮງໝໍ (ຄ່າໃຊ້ຈ່າຍນີ້ສະເພາະຄົນເຈັບ ແລະ ຜູ້ຕິດຕາມຄົນເຈັບ 1 ຄົນເທົ່ານັ້ນ) ຖ້າຢູ່ນະຄອນຫຼວງວຽງຈັນ ສະເໜີໃຫ້ມາລົງທະບຽນໄດ້ທີ່ພະແນກຜ່າຕັດກະດູກ ແລະ ສັນຍະກໍາໂຮງໝໍມະໂຫສົດ ນັບແຕ່ມື້ປະກາດເປັນຕົ້ນໄປ ພ້ອມທັງນໍາເອົາໜັງສືຢັ້ງຢືນທີ່ຢູ່ຈາກນາຍບ້ານ ແລະ ປື້ມສໍາມະໂນຄົວມາພ້ອມ. ຕິດຕໍ່ສອບຖາມຂໍ້ມູນເພີ່ມເຕີມໄດ້ທີເບີ 030 9604893
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: ກຸ່ມແມ່ຍິງສາກົນ