ອີງຈາກແຫຼ່ງຂ່າວ Lao Youth Radio FM 90.0 Mhz ເມື່ອວັນທີ 29 ທັນວາ 2018 ໃຫ້ຮູ້ວ່າ ເອັມພັອຍມາກ (M-Point Mart) ຮ້ານຄ້າຍ່ອຍຊື່ດັງໃນ ສປປ ລາວ ທີ່ມີສາຂາທັງໝົດ 45 ແຫ່ງ ໄດ້ຮ່ວມທຶນກັບບໍລິສັດ Big C Supercenter ຈຳກັດມະຫາຊົນ ທີ່ຖືຮຸ້ນໂດຍກຸ່ມບໍລິສັດ ເບີລີ່ຍຸກເກີ້ ຈຳກັດ ມະຫາຊົນ ຫຼື BJC ຂອງປະເທດໄທ ທີ່ດຳເນີນທຸລະກິດຫ້າງຊັບພະສິນຄ້າຊື່ດັງ Big C ແລະ ຮ້ານຄ້າຍ່ອຍ mini Big C ໃນປະເທດໄທ ແລະ ຫວຽດນາມ, ໄດ້ປັບປຸງສາຂາເອັມພັອຍມາກເກົ່າ ແລະ ໄດ້ເປີດຕົວ mini Big C ສາຂາທຳອິດເປັນທີ່ຮຽບຮ້ອຍທີ່ ບ້ານໂພນທັນ ເມືອງໄຊເສດຖາ ນະຄອນຫຼວງວຽງຈັນ.
ເພື່ອດຳເນີນທຸລະກິດຮ້ານຄ້າຍ່ອຍຢ່າງເຕັມຮູບແບບໃນ ສປປ ລາວ ພາຍໃຕ້ຊື່ mini Big C ແມ່ນມີແຜນຈະເລີ່ມດຳເນີນການປັບປຸງຮ້ານ ເອັມພັອຍມາກ ເກົ່າທີ່ເຫຼືອອີກ 44 ແຫ່ງ ໃນທົ່ວປະເທດ ມາເປັນ mini Big C ໃຫ້ສຳເລັດທັງໝົດໃນປີ 2019.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: Lao Youth Radio FM 90.0 Mhz