ອັບເດລ ຟັດຕາ ອັລ-ຊິຊິ, ປະທານາທິບໍດີ ເອຢິບ ຮຽກຮ້ອງໃຫ້ປະຊາຊົນຫຼຸດນໍ້າໜັກ ໂດຍແນະນໍາໃຫ້ເພີ່ມວິຊາພາລະສຶກຕາມແຕ່ລະໂຮງຮຽນ ແລະ ມະຫາວິທະຍາໄລ ລວມເຖິງສະຖານີໂທລະພາບກໍບໍ່ຄວນໃຫ້ມີພິທີກອນ ຫຼື ແຂກຮັບເຊີນທີ່ມີນໍ້າໜັກສູງເກີນອອກອາກາດ.
ຈາການສຶກສາຄົ້ນຄວ້າທົ່ວໂລກໃນປີກ່ອນ ໂດຍສະຖາບັນປະເມີນ ແລະ ວັດສຸຂະພາບ ປະຈໍາມະຫາວິທະຍາໄລລັດວໍຊີງຕັນ ໃນອາເມລິກາ ພົບວ່າ ເອຢິບ ມີປະຊາກອນຕຸ້ຍຫຼາຍທີ່ສຸດໃນໂລກ ເພາະມີປະຊາກອນປະມານ 19 ລ້ານຄົນ ຈາກ 100 ລ້ານຄົນຢູ່ໃນພາວະຄວາມຕຸ້ຍ ລວມເຖິງເດັກນ້ອຍ 3.6 ລ້ານຄົນ ຄິດເປັນສັດສ່ວນ 10.2%. ເມື່ອ 5 ປີກ່ອນ ເອຢິບ ຢູ່ໃນອັນດັບທີ 3 ແລະ ອັນດັບທີ 1 ກໍຄືປະເທດ ຄູເວດ ທີ່ມີຄົນຕຸ້ຍຫຼາຍທີ່ສຸດໃນໂລກ ໃນນັ້ນ, ເພດຍິງຈະຕຸ້ຍຫຼາຍກວ່າເພດຊາຍ ເຖິງ 50% ຂອງປະຊາກອນເພດຍິງໃນປະເທດ.
ສາວເອຢິບ ທີ່ຕຸ້ຍທີ່ສູຸດໃນໂລກ ມີນໍ້າໜັກ 500 ກິໂລກຣາມ ເຊິ່ງເສຍຊີວິດໃນປີ 2017 ດ້ວຍອາການແຊກຊ້ອນຈາກນໍ້າໜັກ ກັບພະຍາດຫົວໃຈ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: thairath.co.th