ເວັບໄຊ ເດອະກາດຣຽນ ລາຍງານວັນທີ 21 ທັນວາ 2018 ຜ່ານມາ ລະບຸວ່າ ເກີດເຫດນັກທ່ອງທ່ຽວ 2 ສາວຊາວນອກແວ ຖືກຄາດຕະກໍາລະຫວ່າງຕັ້ງແຄມໃນເສັ້ນທາງໃກ້ກັບໝູ່ບ້ານອິມລິ ປະເທດມາຣົກ ເປັນເສັ້ນທາງໄປຫາຍອດພູ Toubkal ເປັນພູທີ່ສຸງທີ່ສຸດໃນແອຟຣິກາເໜືອ ລ່າສຸດເຈົ້າໜ້າທີ່ຈັບກຸມຕົວຜູ້ຕ້ອງສົງໃສໄດ້ແລ້ວ 13 ຄົນ ໂດຍຕັ້ງຂໍ້ສົງໃສດັ່ງກ່າວເປັນຄະດີກໍ່ການຮ້າຍ.
ລາຍງານລະບຸວ່າຜູ້ທີ່ຖືກຄາດຕະກໍາຄື ລຸຍຊາ ເວສເຕີຣຣາເກີ ເຈສເປີຣສັນ ຊາວດານມາກ ອາຍຸ 24 ປີ ແລະ ມາເຣນ ອູເອແລນ ຊາວນອກແວ ອາຍຸ 28 ປີ ທັງສອງເປັນນັກສຶກສາໃນມະຫາວິທະຍາໄລປະເທດນອກແວ. ສົບຂອງທັງສອງພົບເຫັນຫ່າງຈາກບ້ານ ອິມມິຣາວ ຢ່າງໄປປະມານ 2 ຊົ່ວໂມງ ໂດຍໜຶ່ງໃນນັ້ນຖືກຕັດຄໍອອກ ແລະ ອີກຄົນໜຶ່ງມີບາດແຜກໍ່າທີ່ລໍາຄໍ.
ເຈົ້າໜ້າທີ່ຕໍາຫຼວດສືບສວນຈັບກຸ່ມຜູ້ຕ້ອງສົງໃສ 4 ຄົນທໍາອິດຈາກວີດີໂອທີ່ຄົນຮ້າຍປະກາດຄວາມພັກດີຕໍ່ກຸ່ມກອງກໍາລັງຮັກອິດສະລາມ ກ່ອນທີ່ຈະຈັບອີກ 9 ຄົນທີ່ມີຄວາມເຊື່ອມໂຍງກັນ ໂດຍການຈັບກຸມທັງໝົດໄດ້ສືບຫາຫຼັກຖານຈາກວິດີໂອທີ່ແຜ່ກະຈາຍໃນໂລກອອນລາຍ ເຊິ່ງສະແດງໃຫ້ເຫັນຄົນຮ້າຍເປັນຜູ້ລົງມີຄາດຕະກໍາໜຶ່ງໃນສອງນັກທ່ອງທ່ຽວສາວຍ່າງໂຫດຮ້າຍ ເຮັດໃຫ້ອີກຄົນຕ້ອງຮ້ອງຢ່າງເຈັບປວດຄົນຮ້າຍຈຶ່ງລົງມືສັງຫານໃນເວລາຕໍ່ມາ. ຄົນຮ້າຍຈັບຫົວທີ່ຖືກຕັດອອກຍົກຂຶ້ນ ແລະ ຮ້ອງວ່າ: “ນີ້ຄືຫົວຂອງສັດຕູຂອງພະເຈົ້າ”
ລ່າສຸດ, ສົບສອງສາວນັກທ່ອງທ່ຽວ ໄດ້ສົງໄປນະຄອນຫຼວງໂຄເປນເຮເກນ ປະເທດດານມາກເປັນທີ່ຮຽບຮ້ອຍ ໃນວັນທີ 21 ທັນວາ ຜ່ານມາ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: matichon.co.th